МАНУЧЕҲР ҶАЛИЛОВ БЕҲТАРИН БОЗИНГАРИ ҶОМИ АФК-2017 ДОНИСТА ШУД!
ДУШАНБЕ, 07.11.2017./АМИТ «Ховар»/. Ҳуҷумкунандаи дастаи «Истиқлол»-и Душанбе Манучеҳр Ҷалилов, ки дар бозиҳои Ҷоми АФК-2017 дар маҷмуъ 9 тӯбро ба ҳадаф расонидааст, беҳтарин бозингари мусобиқа дониста шуд. Дар ин бора ба АМИТ «Ховар» аз Федератсияи футболи Тоҷикистон(ФФТ) хабар доданд.
Бино бар иттилои манбаъ, ба ин муносибат Манучеҳр Ҷалиловро муовини президенти ФФТ Хуршед Мирзо пас аз ба анҷоми Ҷоми Осиё-2017 шодбош гуфта, ба вай туҳфаҳои хотирмон супорид.
Ҳамчунин Хуршед Мирзо ба мухлисони дастаи «Истиқлол» барои дастгириҳояшон дар сабқатҳо, хусусан дар Ҷоми АФК-2017 изҳори миннатдорӣ баён кард.
«Пеш аз ҳама ба мухлисони «Истиқлол» мехоҳам изҳори миннатдорӣ баён кунам, ки ба хотири дастгирии мо ба ин варзишгоҳ омадаанд. Ҳарифонамонро низ бо пирӯзӣ шорбош мегӯям. Барои ман ва дастаамон ин дувумин маротиба аст, ки то финал мебароем, аммо ба ҳадаф намерасем. Ин бозӣ аст ва ҳамааш дар пеш аст. Умедворам, ки минбаъд низ ба бозии финали Ҷоми АФК хоҳем расид ва ғолиб хоҳем шуд»,- зикр намуд ӯ.
Хотиррасон менамоем, ки мусобиқа барои дарёфти Ҷоми АФК-2017 бо бозии финалӣ байни дастаҳои «Истиқлол»-и Тоҷикистон ва «Эйр Форс-и Ироқ дар варзишгоҳи марказии шаҳри Ҳисор ба анҷом расид. Дар ин бозӣ «Истиқлол» бо ҳисоби 0:1 аз ҳарифаш мағлуб шуд ва соҳиби медалҳои нуқраи мусобиқа гардид.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
