Мавсими футболи соли 2017 дар Тоҷикистон 2 декабр анҷом меёбад
ДУШАНБЕ, 29.11.2017 /АМИТ «Ховар»/. Бозиҳои даври охирини Лигаи олии Чемпионати Тоҷикистон оид ба футбол байни дастаҳои «Истиқлол»-и Душанбе ва «Ҳосилот»-и Фархор ба анҷом расиданд.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, дар ин бозӣ дастаи футболи «Истиқлол»-и Душанбе бар дастаи футболи «Ҳосилот»-и Фархор бо ҳисоби 3:1 ғолиб омад. Дилшод Восиев, ҳамлагари бомаҳорати дастаи футболи «Истиқлол»-и Душанбе тавонист се гол ба ҳадаф расонад. Як голи дастаи футболи «Ҳосилот»-и Фархорро аз зарбаи ҷаримавии 11-метра Хайрулло Азизов ба нишон расонид. Натиҷаи вохӯрии мазкур барои ҳар ду даста муҳим набуд, зеро дастаи футболи «Истиқлол» пеш аз муҳлат бори шашум унвони Чемпионаи Тоҷикистонро соҳиб шуд. Дастаи футболи «Ҳосилот» ҷойи охиринро дар ҷадвали мусобиқа касб намуд ва аз иштирок дар мавсими соли ояндаи Лигаи олӣ маҳрум гардид. Ба ҷойи ин даста соли 2018 ғолиби лигаи якуми мамлакат- дастаи футболи «Кӯктош»-и ноҳияи Рӯдакӣ баромад хоҳад кард.
Зинаи дуюм ва медалҳои нуқраро дастаи футболи «Хуҷанд»-и шаҳри Хуҷанд ба даст овард, ҷойи сеюм ва медалҳои биринҷӣ насиби дастаи КМВА «Помир»-и Душанбе гардид.
Ёдовар мешавем, ки мавсими футболи соли 2017 дар Тоҷикистон 2 декабр бо баргузории бозии финалии Ҷоми Тоҷикистон байни дастаҳои футболи «Истиқлол»-и Душанбе ва «Хуҷанд»-и Хуҷанд дар Варзишгоҳи марказии шаҳри Душанбе анҷом меёбад. Оғози бозӣ соати 14:00 аст.
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
