Муовини раиси бахши ТЭТ ҲНИТ дар Рӯшон ба нашри наворҳои фаҳшо муттаҳам шуд

Ноябрь 30, 2017 18:12

ДУШАНБЕ,30.11.2017./АМИТ «Ховар»/.  Шабакаи давлатии телевизионии Тоҷикистон дар барномаи «Сипар», ки аз ҷониби Маркази матбуоти     Вазорати корҳои дохилии Ҷумҳурии Тоҷикистон омода мешавад,  навори бадахлоқии ду нафар ба ном муллоро   намоиш дод.

Дар ин барнома, ки ҳафтае пеш дар телевизион намоиш дода шуда, гуфта мешавад, ки ду рӯҳонӣ «бо истифода аз номи дини Ислом даст ба амалҳои бадахлоқона задаанд».

Яке аз ин гумонбаршудангон имоми масҷиди панҷвақтае дар ноҳияи Ҳисор  мебошад, ки 82 сол дошта, дар хона мардумро «сеҳру ҷоду» мекардааст.

Маркази матбуоти ВКД ҶТ  дар ин  гузориш хабар дод, ки «мардумфиребиву қаллобӣ ва аз номи дини поки Ислом сӯиистифода кардани Давлатбек Мираков ин як тарафи масъала бошад, масъалаи дигар, ки басо гӯшношуниду нанговар аст, бадахлоқӣ ва мавриди истифодаи шаҳвонӣ қарор додани муштариён аз ҷониби ин пирамарди 82-солаи оиладор ва соҳиби 11 фарзанду 40 набера мебошад.»

Дар идомаи гузориш   хабар дода шуд, ки як сокини ноҳияи Рӯшон низ ба иттиҳоми нашри навори фаҳшо боздошт  шудааст. Барандаи гузориш гуфт: «кормандони Раёсати вазорати корҳои дохилӣ дар Вилояти мухтори Кӯҳистони Бадахшон шаҳрванд Атоёров Атоёр Саодатович, соли таваллудаш 1968, сокини деҳаи Рӯшон, собиқ муовини раиси Ҳизби наҳзати исломӣ дар ноҳияи Рушонро барои паҳн кардани наворҳои хусусияти порнографидошта дастгир намуданд».  Худи гумонбаршуда Атоёр Атоёров дар ин гузориш гуфт, ки ба як ноболиғ навори порнографиро сабт карда додаст.

«Ҳамон бачаи нобилиғе, ки доимо пешам меомад, қариб як ду сол – дуним сол пешам меомад, як рӯз омад, ки ман ба ӯ филми шаҳвониро сабт намоям ва ман ба ӯ дар диск филми шаҳвониро сабт кардам…», — иброз дошт ӯ.

Бино бар иттилои манбаъ, «вобаста ба ҳолатҳои ҷойдошта нисбати ин ду нафар ба ном мулло, ки аз номи дини мубини Ислом суъистифода намуда, ба ҳаракатҳои бадахлоқона ва паҳни наворҳои хусусиятҳои шаҳвонипдошта машғул буданд, айни замон корҳои тафтишотӣ идома дорад».

Ноябрь 30, 2017 18:12

Хабарҳои дигари ин бахш

Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад