Нишасти панҷуми сарварони китобхонаҳои миллии кишварҳои узви СҲИ соли 2019 баргузор мешавад
ДУШАНБЕ, 30.11.2017. /АМИТ «Ховар»/. Сомонаи китобхонаҳои миллии кишварҳои узви Созмони ҳамкории иқтисодӣ (СҲИ) бо гузашти ду моҳи дигар комилан фаъол мешавад. Дар ин бора дар чорумин нишасти сарварони китобхонаҳои миллии кишварҳои узви Созмони ҳамкории иқтисодӣ иттилоъ дода шуд. Гуфта шуд, ки ин сомона ҳоло омода аст, вале ба ду моҳи дигар ниёз дорад, то пурра ва бо ҳама зарфиятҳои худ ба кор дарояд.
Сомонаи мазкур дар қадами аввал бо ду забон: англисӣ ва русӣ роҳандозӣ мешавад, вале дар оянда ҳар кишвар бо забони худ дар он метавонад саҳифа ё бахш дошта бошад.
Ҳадафи таъсиси сомонаи вижа- ин густариши ҳамкории китобхонаӣ миёни кишварҳои ҳавзаи ЭКО мебошад. Як бахши муҳими он табодули таҷриба, иттилоъ ва китобҳост. Сомонаи мазкур метавонад дар тавсеаи ҳамкории муштарак нақши муассир бозад.
Тавре дар ин бора аз Китобхонаи миллии Тоҷикистон иттилоъ доданд, қарор аст ҷаласаи панҷуми сарварони Китобхонаҳои миллии кишварҳои узви Созмони ҳамкории иқтисодӣ дар семоҳаи чоруми соли 2019 доир шавад. Вале ҳоло замони дақиқ ва маҳалли баргузории он мушаххас нашудааст.
Ёдрас мешавем, ки охирин ҷаласаи раисони китобхонаҳои миллии кишварҳои узви СҲИ ҳафт сол пеш доир шуда буд. Аммо ширкаткунандагони ҳамоиши Душанбе тасмим гирифтанд, ки аз ин ба баъд он дар ҳар ду сол як маротиба доир гардад.
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
Чӣ тавр тарофаро дар якчанд дақиқа метавон фаъол кард?
Имрӯз дар водиҳои Тоҷикистон ҳаво то 24 дараҷа гарм мешавад
50 ҳазор аҳолии ноҳияи Абдураҳмони Ҷомӣ бо оби тозаю безарари нӯшокӣ таъмин мегарданд
