Қӯшунҳои сарҳадӣ: аз савганди ҳарбии сарбозони навдаъватшуда то хатми курсҳои махсуси прапоршикӣ
ДУШАНБЕ, 07.11.2017 /АМИТ «Ховар»/. Бахшида ба рӯзи Конститутсияи Ҷумҳурии Тоҷикистон дар Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо баровардани байрақи ҷангии қисми ҳарбӣ маросими бошукӯҳи тантанавӣ баргузор шуд.
Тавре аз маркази матбуоти Қӯшунҳои сарҳадии КДАМ ҶТ хабар доданд, Фармондеҳи Қӯшунҳои сарҳадӣ генерал-лейтенант Раҷабалӣ Раҳмоналӣ дар назди меҳмонон ва сарбозон изҳор намуд, ки «маҳз бо шарофати садоқату ҷасорати касбӣ, фидокориву ҷоннисорӣ ва хизматҳои шабонарӯзии аскарону афсарон имрӯз дар ҷомеаи мо сулҳу субот пойдор гардида, мардум зиндагии осоишта доранд».
Дар ҷамъомад беш аз 370 нафар сарбозони навдаъватшуда савганди ҳарбӣ ёд карданд ва ҳамзамон зиёда аз 85 нафар хамткунандагони курсҳои кӯтоҳмуддати махсусӣ прапоршикон бо дипломҳо ва рутбаҳои ҳарбии прапоршик сарфароз гардиданд.
Пас аз маросими савгандёдкунӣ, хизматчиёни ҳарбии Қӯшунҳои сарҳадӣ дар назди меҳмонон намудҳои машқҳои тан ба тан намоиш доданд.
Афсарони ҷавоне, ки бо рутбаҳои Прапоршик сарфароз гардиданд, барои идомаи хизмати Ватан-Модар ба отрядҳои сарҳадӣ ва ҷузъу томҳои Қӯшунҳои сарҳадии Кумитаи давлатии амнияти миллии Ҷумҳурии Тоҷикистон равон карда мешаванд.
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
