ТАҚВИМИ АМИТ «ХОВАР»: Имрӯз 21 ноябр, сешанбе, 325-умин рӯзи соли 2017 аст. То соли нав 40 рӯзи дигар боқӣ мондааст
Тақвими моро дар ин гӯша
шореҳ Шукӯҳи ДАЛЕР варақ мезанад:
21 ноябри соли 2002 дар шаҳри Млада Болеслави Ҷумҳурии Чехия зимни вохӯрии Президенти Ҷумҳурии Тоҷикистон бо роҳбарони ҳайати расмии чех ва ширкати автомобилсозии машҳур «Шкода АУТО» масъалаи дар шаҳри Душанбе кушодани фурӯшгоҳи автомобилии мазкур баррасӣ гардида буд.
***
3 сол пеш, 21 ноябри соли 2014 дар шаҳри Душанбе зимни мулоқоти Президенти кишвар Эмомалӣ Раҳмон бо Роҳбари ҳайати Парлумони Иттиҳоди Аврупо доир ба робитаҳо бо кишварҳои Осиёи Марказӣ Ивета Григуле масоили вобаста ба ҳамкории гуногунҷанбаи Тоҷикистону Иттиҳоди Аврупо баррасӣ шуда буд.
***
Дар ин рӯзи соли 2016 дар Театри давлатии академии опера ва балети ба номи С. Айнии шаҳри Душанбе фестивали байналмилалии “Рақс моро муттаҳид мекунад” баргузор гардида буд.
21 НОЯБР ТАҶЛИЛ КАРДА МЕШАВАД:
Рӯзи байналмилалии телевизион.
***
Рӯзи умумиҷаҳонии салом.
***
Дар Россия – Рӯзи кормандони сохтори андоз.
***
Дар Камбоҷа – Фестивали об.
РӮЙДОДҲО:
21 ноябри соли 2013 дар Маркази матбуоти ҷумҳуриявии АМИТ «Ховар» дар доираи лоиҳаи «Рушди воситаҳои ахбори оммаи пурқувват ва мустақил» барои воситаҳои ахбори омма дар мавзӯи «Пешниҳоде, ки рад карданаш имконнопазир аст» давраи омӯзишӣ доир карда шуд.
***
21 ноябри соли 1847 дар кӯли Мичигани ИМА киштии Голландия «Финикс» оташ гираифт, ки дар натиҷа 240 нафар ба ҳалокат расида буданд.
***
21 ноябри соли 1892 дар Париж Ҳизби сотсиалистии полякҳо таъсис дода шуд.
***
69 сол пеш аз ин, 21 ноябри соли 1948 дар Иттиҳоди Шӯравӣ ҳамаи эълонҳо ва нашрияҳои Кумитаи зиддифашистии Аврупо манъ карда шуд.
***
Дар ин рӯзи соли 1949 Ассамблеяи Генералии СММ барои пурра мустақил гардидани мустамликаҳои собиқи Италия овоз дода буд.
ИНЧУНИН ДАР ИН РӮЗ…
Соли 1972 дар сессияи 17- уми Конфронси генералии ЮНЕСКО Ҷумҳурии Демократии Германия ба ҳайати он шомил карда шуд.
***
Соли 1996 дар қароргоҳи СММ аввалин форуми байналмилалии телевизионӣ баргузор гардида буд.
Имрӯз дар Тоҷикистон ҳавои бебориш пешгӯӣ мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мегардад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Имрӯз дар баъзе ноҳияҳои Тоҷикистон туман мефарояд
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
