«Варзиш – қосиди сулҳ»-машқи оммавӣ бахшида ба Рӯзи Парчами давлатӣ
ДУШАНБЕ, 24.11.2017 /АМИТ «Ховар»/. Имрӯз бахшида ба Рӯзи Парчами давлатии Ҷумҳурии Тоҷикистон дар майдони «Шаршара» – и назди Наврӯзгоҳи пойтахт таҳти унвони «Варзиш – қосиди сулҳ» машқи пагоҳирӯзии оммавӣ бо иштироки беш аз 10 000 нафар баргузор гардид.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» иттилоъ доданд, дар машқи пагоҳирӯзӣ варизишгарони маъруфи кишвар, кормандони ҷавони вазорату идораҳо, ташкилоту муассисаҳо, мураббиён, устодони соҳаи варзиш, муҳассилини муассисаҳои таҳсилоти миёна ва олии касбӣ ва сокинони шаҳри Душанбе иштирок намуданд.
Раиси Кумитаи кор бо ҷавонон ва варзиш Аҳтам Абдуллозода иброз дошт, ки Парчами давлатӣ рамзи соҳибистиқлолӣ ва оромиву осудагии кишвар ба ҳисоб меравад ва варзишгарони тоҷик дар арсаи байналмилалӣ муаррификунандаи варзиши тоҷик ва парчамбардорони давлату миллати тоҷик мебошанд.
Ҳамзамон дар доираи машқҳои пагоҳирӯзӣ дар майдони «Шаршара»- и Наврӯзгоҳ бозиҳои мухталифи варзишӣ бо ҷалби наврасону ҷавонон баргузор карда шуданд.
Ёдовар мешавем, ки чорабиниҳои гуногуни варзишӣ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Парчами давлатии Ҷумҳурии Тоҷикистон роҳандозӣ гардида, дар давоми рӯз идома меёбанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
