Иштироки ҳайати Тоҷикистон дар ҷаласаи 28-уми Шӯрои банақшагирии минтақавии СҲИ дар Исломобод
ДУШАНБЕ, 15.12.2017 /АМИТ «Ховар»/. 14 декабр дар шаҳри Исломободи Покистон ҷаласаи 28-уми Шӯрои банақшагирии минтақавии Созмони ҳамкории иқтисодӣ дар сатҳи вазирон доир гардид. Зимни ҷаласа нақшаи барномаю лоиҳаҳо ва ҷадвали чорабиниҳои СҲИ барои соли 2018 тасдиқ гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар ҷаласаи мазкур ҳайати Тоҷикистон таҳти роҳбарии муовини якуми Вазири корҳои хориҷии Тоҷикистон Низомиддин Зоҳидӣ ширкат варзид. Дар суханронии роҳбари ҳайат самтҳои авлавиятноки ҳамкории кишвар бо СҲИ ва роҳҳои тақвияти ин ҳамкорӣ таъкид гардиданд. Низомиддин Зоҳидӣ дар мавриди чорабиниҳое, ки соли оянда дар Душанбе доир мегарданд, аз ҷумла, иҷлосияи навбатии Шӯрои вазирони корҳои хориҷии кишварҳои узви СҲИ сухан ронда, аз кишварҳои узви созмон ҷиҳати иштироки фаъол дар ин чорабиниҳо даъват ба амал овард.
Дар доираи ҷаласаи Шӯрои банақшагирии минтақавӣ мулоқоти муовини аввали Вазири корҳои хориҷӣ бо Дабири кулли Созмони ҳамкории иқтисодӣ Халил Иброҳим Акча доир гардид. Зимни мулоқот масъалаҳои тадорукот ва баргузории иҷлосияи 23-юми Шӯрои вазирони корҳои хориҷии СҲИ (моҳи апрели 2017, Душанбе) мавриди муҳокима қарор дода шуданд.
Ҷонибҳо инчунин дар мавриди роҳҳои тақвияти ҳамкории минбаъда дар давраи Раёсати Тоҷикистон дар Созмони ҳамкории иқтисодӣ мубодилаи афкор анҷом доданд.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
