Дар бозори марказии Рашт «Растаи фурӯши маҳсулоти ҳунарҳои мардумӣ» ташкил карда шуд
РАШТ, 31.01.2018 /АМИТ «Ховар»/. Бахшида ба Соли рушди сайёҳӣ ва ҳунарҳои мардумӣ дар бозори марказии ноҳияи Рашт «Растаи фурӯши маҳсулоти ҳунарҳои мардумӣ» ташкил карда шуд. Минбаъд ҳунармандони ноҳия метавонанд маҳсули дасти худро дар ин раста барои меҳмонони дохилию хориҷӣ ба фурӯш гузоранд. Дар ин бора директори бозори Ҷамъияти матлуботи ноҳияи Рашт Фирӯз Холназаров ба хабарнигори АМИТ «Ховар» иттилоъ дод.
Раиси ҷамоати шаҳраки Ғарми ноҳия Муъминшо Қаюмов гуфт, ки дар асоси дастуру супоришҳои Ҳукумати Ҷумҳурии Тоҷикистон дар маркази ноҳия барои ҷалби ҷавонону занони хонашин ба ҳунаромӯзӣ ва фурӯши ҳунарҳои дастӣ шароити хуб фароҳам гардид. Сайёҳони хориҷӣ аз маркази ноҳия бисёр мегузаранд ва ҳунармандони ноҳия тавассути пешниҳоди ҳунарҳои мардумӣ таъриху фарҳанги миллати тоҷикро ба онҳо муаррифӣ менамоянд.
Маҳмадилёс Давлатов, як сокини ноҳия иброз намуд, ки ӯ ҳамроҳ бо фарзандонаш ба оҳангарӣ ва табақтарошию гаҳворасозӣ машғул аст.
“Хушбахтона, бо эълони Соли рушди сайёҳӣ ва ҳунарҳои мардумӣ ва дастгириҳои Пешвои миллат муҳтарам Эмомалӣ Раҳмон ба мо, ҳунармандон имтиёзҳои хуб фароҳам оварда шуда, як муддат моро аз андоз озод карданд ва дар бозори марказии паҳлуи шоҳроҳ барои фурӯши маҳсулотамон шароит муҳайё гардид. Солҳои пеш мо маҳсулотамонро хеле кам мефурӯхтем. Имрӯз бо пайдо шудани имконият мо метавонем тавассути ҳунари дасти хеш сатҳи зиндагиямонро баланд бардорем”,-гуфт ҳамсуҳбати мо.
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
