Дар Душанбе барои тренерони сатҳи миллӣ семинари омӯзишӣ доир мешавад
ДУШАНБЕ, 8.01.2018. /АМИТ «Ховар»/. Пагоҳ, 9 январи соли равон дар Китобхонаи миллии Тоҷикистон семинари омӯзишӣ барои тренерони сатҳи миллӣ баргузор мегардад.
Семинари мазкур бо ташаббуси Вазорати маориф ва илми Ҷумҳурии Тоҷикистон дар доираи барномаи «Дастгирии таҳсилоти босифат» аз 9 то 13 январи соли равон гузаронида мешавад.
Тавре аз маркази матбуоти Вазорати маориф ва илми Ҷумҳурии Тоҷкистон ба АМИТ «Ховар» иттилоъ доданд, семинар дар асоси маводи таҳияшуда (Модули омӯзишӣ оид ба татбиқи муносибати салоҳиятнокӣ дар таълими фанҳои табиӣ ва технологияи информатсионӣ) доир гардида, дар натиҷаи омӯзиш зиёда аз 30 нафар ҳамчун тренер барои омӯзонидани 250 нафар мутахассис ба ҳайси тренерони сатҳи миллӣ омода мешаванд.
Ба иттилои манбаъ, дар семинари панҷрӯза мафҳуми салоҳият ва салоҳиятнокӣ дар соҳаи маориф, асосҳои назариявии методҳои таҳқиқотӣ оид ба ташаккули салоҳиятҳои асосии хонандагон, асосҳои назариявии арзёбии ташаккулдиҳанда, ки ба рушди салоҳиятҳои хонандагон мусоидат менамоянд, махсусияти пурсиши шифоҳӣ ҳамчун усули ташаккулдиҳандаи салоҳиятҳои асосии хонандагон, методологияи банақшагирии дарс дар асоси муносибати салоҳиятнокӣ ва амсоли инҳо мавриди омӯзиш ва таҳлилу баррасӣ қарор дода мешаванд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
