Дар Душанбе заводи истеҳсоли автобусҳои тамғаи «AKIA» бунёд мешавад
ДУШАНБЕ, 26.01.2018 /АМИТ «Ховар»/. То ҷашни Наврӯзи байналмилалӣ дар Душанбе заводи истеҳсоли автобусҳои тамғаи «AKIA» бунёд мешавад. Ин нуктаро имрӯз зимни нишасти матбуотӣ муовини якуми Раиси шаҳри Душанбе Маҳмадсаид Зувайдзода баён намуд.
Дар айни ҳол мутахассисони туркӣ дар шаҳри Душанбе қарор дошта, бо 20 нафар мутахассисони маҳаллӣ барои фаъолият дар заводи мазкур машғулиятҳои омӯзишӣ гузаронида истодаанд. Заводи мазкур дар як сол иқтидори истеҳсоли 250-300 адад автобусро дорад.
Ҳамчунин дар асоси Қарори Раиси шаҳри Душанбе аз 17 ноябри соли 2017 барои харидани боз 100 адад автобуси тамғаи «AKIA» аз Ҷумҳурии Туркия бо дарназардошти бастубанди он дар заминаи Корхонаи воҳиди давлатии «Насби нақлиёти барқӣ (троллейбус) ва велосипед» шартномаи дахлдор ба имзо расидааст.
Маҳмадсаид Зувайдзода ҳамчунин иброз дошт, ки айни ҳол дар пойтахт татбиқи лоиҳаи «Низоми пардохти электронии роҳкиро ва назорати он дар нақлиёти мусофирбари автомобилии истифодаи умуми шаҳри Душанбе» идома дошта, дар доираи механизми шарикии давлат ва бахши хусусӣ татбиқ гардида, амалисозии низоми мазкур дар марҳилаи ниҳоии корҳои насбкунӣ ва омодакунии барномаҳои компютерӣ қарор дорад.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
