Дар сарҳад зимни 31 задухӯрди мусаллаҳона 20 нафар қочоқчиён дастгир гардиданд
ДУШАНБЕ, 09.01.2018 /АМИТ «Ховар»/. Соли 2017 бо қочоқчиён ва вайронкунандагони хати сарҳад 31 маротиба задухӯрди мусаллаҳона ба қайд гирифта шуда, дар натиҷа 18 қочоқчӣ нобуд ва 20 нафари дигар дастгир карда шуданд. Дар ин бора имрӯз зимни ҷаласаи ҷамъбастии фаъолияти хизматӣ-ҷангии Қӯшунҳои сарҳадии КДАМ ҶТ дар соли 2017 изҳори назар карда шуд.
Тавре ба АМИТ “Ховар” сардори маркази матбуоти Қӯшунҳои сарҳадии КДАМ ҶТ Муҳаммад Улуғхоҷаев хабар дод, дар ҷаласа раиси Кумитаи давлатии амнияти миллии Ҷумурии Тоҷикистон, генерал-полковник Саймумин Ятимов, Фармондеҳи Қӯшунҳои сарҳадӣ, генерал-лейтенант Раҷабалӣ Раҳмоналӣ, сардорони раёсатҳои Дастгоҳи марказӣ ва минтақавӣ, отрядҳои сарҳадӣ ва ҷузъу томҳои Қӯшунҳои сарҳадии КДАМ Ҷумҳурии Тоҷикистон иштирок намуданд.
Ба иттилои манбаъ, дар ҷаласа инчунин зикр гардид, ки дар ин давра 31 маротиба кӯшиши убури ғайриқонунии хати сарҳад пешгирӣ карда шудааст. Ҳамзамон 138 далели вайронкунии сарҳади давлатӣ ва 105 далели вайронкунии низоми сарҳади давлатӣ ба қайд гирифта шуда, 205 нафар вайронкунандагони сарҳади давлатӣ ва 201 нафар вайронкунандагони низоми сарҳади давлатӣ боздошт гардиданд.
Дар ҷамъомад камбудиҳои ҷойдошта дар фаъолияти Қӯшунҳои сарҳадӣ муҳокима гардида, барои бартараф намудани онҳо аз ҷониби раиси КДАМ ҶТ ба роҳбарияти Қӯшунҳои сарҳадӣ ва ҷузъу томҳо оид ба иҷрои корҳои ба нақша гирифташуда, ҳамчунин пешгирии ҳуқуқвайронкунӣ ва мустаҳкамии назорати сарҳад супоришҳои мушаххас барои соли 2018 дода шуданд.
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
