Мавсума Муинӣ: «Паёми имсолаи Пешвои миллат хусусияти иҷтимоӣ дорад»
ДУШАНБЕ, 17.01.2018 /АМИТ «Ховар»/. Гурӯҳи тарғиботии Мақомоти иҷроияи ҳокимияти давлатии шаҳри Душанбе аз 10 то 19 январи соли 2018 ҷиҳати ташреҳ ва тарғиби мазмуну муҳтавои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бо намояндагони соҳа ва сохторҳои пойтахт мулоқоту cуҳбатҳо баргузор менамояд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе хабар доданд, мулоқотҳо асосан бо фарогирии кормандони масъули мақомоти иҷроияи ҳокимияти давлатии шаҳри Душанбе, соҳаҳои гуногуни хоҷагии халқ, олимон, фаъолони маҳал, аъзои Шӯрои ҷамъиятӣ ва собиқадорони меҳнат баргузор мешаванд.
Аъзои гурӯҳи тарғиботӣ, ки ба он муовини Раиси шаҳри Душанбе Мавсума Муинӣ роҳбарӣ мекунад, бо намояндагони соҳаҳои тандурустиву маориф, фарҳангу варзиш, нақлиёту саноат, савдо, иқтисод, андоз, сохтмону коммуналӣ, занону ҷавонон, имомхатибони масҷидҳо ва дигар сохторҳо вохӯрӣ гузаронида, мазмуну муҳтавои Паёми солонаи Пешвои миллатро шарҳ дода, барои амалӣ намудани нуктаҳои асосии он маслиҳату машваратҳои муфид медиҳанд. Зимни яке аз чунин мулоқот дар Муассисаи таҳсилоти умумии №8-и шаҳри Душанбе, ки имрӯз баргузор гардид, муовини Раиси шаҳри Душанбе Мавсума Муинӣ иброз намуд, ки «Паёми имсолаи Пешвои миллат хусусияти иҷтимоӣ дошта, пурра барои манфиати шаҳрвандони Тоҷикистон ва бо ҳаёти шоиста таъмин намудани онҳо равона гардидааст».
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
