Вазорати энергетикаи Ҷумҳурии Тоҷикистон: лоиҳаи «Стретегияи миллии об то соли 2030» таҳия мешавад
ДУШАНБЕ, 31.01.2018 /АМИТ «Ховар»/. Вазорати энергетика ва захираҳои оби Ҷумҳурии Тоҷикистон ҷиҳати ташвиқу тарғиб, пешбурд ва пазироӣ аз ташаббусҳои глобалии Президенти мамлакат ва Ҳукумати ҷумҳурӣ оид ба масъалаҳои об кор бурда истодааст. Вобаста ба ин, соли сипаргардида чорабиниҳои гуногун оид ба Даҳсолаи байналмилалии амал «Об барои рушди устувор» дар сатҳи миллӣ, минтақавӣ ва байналмилалии сатҳи баланд гузаронида шуда, ҷиҳати ташкили Конференсияи байналмилалии сатҳи баланд оид ба Даҳсолаи мазкур дар соли ҷорӣ корҳо ҷараён доранд. Ин матлабро Вазири энергетика ва захираҳои оби Ҷумҳурии Тоҷикистон Усмоналӣ Усмонзода дирӯз зимни нишасти матбуотӣ баён дошт.
Ба иттилои мавсуф, дар доираи Барномаи ислоҳоти соҳаи оби ҷумҳурӣ барои солҳои 2016-2025 корҳо оид ба гузариш ба идоракунии ҳавзаҳои об идома дошта, барои такмили қонунгузории соҳа лоиҳаи Кодекси оби Ҷумҳурии Тоҷикистон дар таҳрири нав ва якчанд қонунҳои дигар таҳия гардидаанд, ки мавриди баррасии вазорату идораҳо қарор доранд. «Аз ҷониби Вазорат дар якҷоягӣ бо вазорату идораҳои дахлдор ҷиҳати муайян кардани ҳадафу вазифаҳо дар соҳаи об дар робита ба «Стретегияи миллии рушд то соли 2030» ва Ҳадафҳои рушди устувор лоиҳаи «Стратегияи миллии об то соли 2030» таҳия шуда истодааст»,-афзуд вазир.
Зикр карда шуд, ки айни замон дар соҳаи захираҳои об 19 лоиҳа дар ҳаҷми 329,4 млн. доллари амрикоӣ амалӣ шуда, боз 5 лоиҳаи дигар ба маблағи умумии 74,2 млн. доллар дар марҳилаи оғози татбиқ қарор доранд.
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
