Боздиди Сафири Япония аз мақомоти гумруки Тоҷикистон
ДУШАНБЕ, 17.02.2018 /АМИТ «Ховар»/. Таҳкими ҳамкории Тоҷикистону Япония дар бахши гумрук дар мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо Сафири Фавқулодда ва Мухтори Япония дар Ҷумҳурии Тоҷикистон Ҳаҷиме Китаока дар Душанбе баррасӣ гардид. Аз маркази матбуоти Хадамоти гумруки назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки мусоҳибон ҳамзамон масъалаи марбут ба интихоботи Котиби генералии Созмони ҷаҳонии гумрук, ки охири июни соли равон дар Брюссел доир мегардад ва дар он номзадии намояндаи Япония низ матраҳ хоҳад шуд, баррасӣ намуданд.
Зикр гардид, ки аз ҷониби Агентии ҳамкории байналмилалии Япония – JICA дар соҳаи бозомӯзии кормандони мақомоти гумрук ва ҳамчунин, дар доираи лоиҳаи марбут ба идоракунии самарабахши сарҳади Тоҷикистон бо Афғонистон, корҳои назаррасе ба анҷом расонида шудааст.
Хуршед Каримзода зикр кард, ки мақомоти гумруки Тоҷикистон ҷиҳати таҳкими ҳамкориҳои гумрукӣ аз тамоми захираву имконоти мавҷуда истифода бурда, заминаи густариши муносибатҳои тиҷоратию иқтисодиро байни Ҷумҳурии Тоҷикистон ва Япония фароҳам меоваранд.
Дипломати японӣ зикр кард, ки барои самаранок ба роҳ мондани ҳамкориҳои дуҷонибаи судманд дар доираи салоҳияти кориаш сайъ хоҳад кард.
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
5-6 март дар Тоҷикистон борони бошиддат пешгӯӣ мешавад
Имрӯз дар Тоҷикистон борони бошиддат меборад
Дар Донишгоҳи давлатии молия ва иқтисоди Тоҷикистон оид ба роҳҳои пешгирии коррупсия, терроризм ва экстремизм ҳамоиш доир шуд
Дар Донишкадаи кӯҳию металлургии Тоҷикистон бахшида ба Рӯзи Модар ҳамоиш доир гардид
Бахшида ба Рӯзи матбуоти тоҷик дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
Имрӯз дар Тоҷикистон ҳавои абрнок пешгӯӣ мешавад
Дар Душанбе масоили афзоиши истеҳсоли маҳсулоти кишоварзӣ баррасӣ шуд
ДАРАХТ БИНШОН! Дар ноҳияи Айнӣ қариб 3000 бех ниҳол шинонида шуд
