Дар шимоли Афғонистон бар асари тирпарронӣ фармондеҳи асосии «Толибон» кушта шуд
ДУШАНБЕ, 15.02.2018 /АМИТ «Ховар»/. Рӯзи чоршанбе дар вулусволии Дашти Арчии музофоти Қундузи Афғонистон бар асари бархӯрди низомиён бо ҷангиёни ҳаракати «Толибон» /мамнӯъ дар Тоҷикистон/ се нафар ифротиён, аз ҷумла, фармондеҳи асосии онҳо Мулло Абдулло кушта шуданд. Дар ин бора агентии «Синхуа»-и Чин бо истинод ба изҳороти сардори вулусволии Дашти Арчӣ Насруддин Назарӣ хабар медиҳад.
«Гурӯҳи ҷангиёни «Толибон» зери роҳбарии Мулло Абдулло субҳи рӯзи чоршанбе ба нуқтаи назоратӣ-гузаргоҳии артиши миллӣ дар вулусволии Дашти Арчӣ ҳамла карданд. Низомиён ба онҳо оташи ҷавобӣ доданд. Зимни тирпарронӣ Мулло Абдулло ва ду нафар ҷангиёни дигар кушта шуданд. Ҳамчунин ду нафар ҷангиён маҷрӯҳ гардиданд», — изҳор дошт Насруддин Назарӣ.
Ба тасдиқи ӯ, зимни тирпарронӣ миёни низомиён ва сокинони осоишта касе осеб надидааст.
Насруддин Назарӣ ҳамчунин афзуд, ки Мулло Абдулло яке аз фармондеҳони асосии «Толибон» буд ва маҳв гардидани ӯ метавонад барои ифротиён дар музофоти Қундуз зарбаи ҷиддӣ гардад.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
