Дар Тоҷикистон 78 нафар шаҳрвандони аз 100-сола боло зиндагӣ мекунанд

Февраль 17, 2018 09:44

ДУШАНБЕ, 17.02.2018 /АМИТ «Ховар»/.  Шумораи шаҳрвандони аз 100-сола боло  дар ҷумҳурӣ 78 нафар буда, 50 нафарро занон ва 28 нафари онҳоро мардҳо ташкил медиҳанд. Ин нуктаро  директори Агентии омори назди Президенти Ҷумҳурии Тоҷикистон Гулнора Ҳасанзода дирӯз зимни нишасти матбуотӣ ба хабарнигорон баён дошт.

Зикр шуд, ки яке аз навовариҳое, ки дар барӯйхатгирии навбатии аҳолӣ ва фонди манзили соли 2020 дар назар гирифта шудааст, ин гузаронидани пурсиши интернетӣ ва дар иҷрои корҳои саҳроии барӯйхатгирии аҳолӣ истифода бурдани планшетҳо ба ҳисоб меравад.

Директори Агентии омор зикр намуд, ки соли 2017 истеҳсоли газ, нафт, маводи ғайримаъдании бинокорӣ, асфалт, собуни хоҷагӣ, оҳаки бинокорӣ, бетони молӣ, оҳану бетони васлшаванда, лампаҳои каммасраф кам шуда, дар ҳамаи шаклҳои хоҷагидорӣ истеҳсоли ғалладонагиҳо, пахта, картошка, сабзавот, полезӣ, меваҷот ва ангур зиёд шудааст. Ҳамчунин ҳаҷми маҳсулоти моҳипарварӣ соли 2017 37,5 млн. сомониро ташкил кард, ки нисбат ба соли гузашта 0,6 % зиёд аст. Дар соли 2017 дар хоҷагиҳои моҳипарварии ҷумҳурӣ сайди моҳӣ 2053,6 тоннаро ташкил намуд, ки ин нишондиҳанда нисбат ба соли 2016   0,8 фоиз зиёд аст.

 

Февраль 17, 2018 09:44

Хабарҳои дигари ин бахш

Дар Донишгоҳи давлатии молия ва иқтисоди Тоҷикистон Фестивали «Сайри гули лола» доир карда шуд
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад