Рустами Эмомалӣ ба ФИФА ва ширкати «Сoca-Соlа» изҳори миннатдорӣ намуд
ДУШАНБЕ, 06.02.2018 /АМИТ «Ховар»/. Президенти Федератсияи футболи Тоҷикистон Рустами Эмомалӣ ба Федератсияи байналмилалии ассотсиатсияҳои футбол (ФИФА) ва ширкати «Сoca-Соlа» /«Кока Кола»/ барои шомил намудани Ҷумҳурии Тоҷикистон ба хатсайри Ҷоми Чемпионати ҷаҳон оид ба футбол изҳори миннатдорӣ намуд. Дар ин бора ба АМИТ «Ховар» аз Федератсияи футболи Тоҷикистон иттилоъ доданд.
«Ба пойтахти Ҷумҳурии Тоҷикистон омадани Ҷоми Чемпионати ҷаҳон оид ба футбол барои мо рӯйдоди фараҳбахш аст. Мутмаинам, ки ин ба оммавигардии футбол дар мамлакат такони нав мебахшад. Ба ташкилкунандагон, ба ширкати «Сoca-Соlа» дар якҷоягӣ бо ФИФА ҷиҳати шомил намудани шаҳри Душанбе ба хатсайри Ҷоми Чемпионати ҷаҳон оид ба футбол изҳори миннатдорӣ менамоям», — гуфт Президенти Федератсияи футболи Тоҷикистон Рустами Эмомалӣ.
Ёдовар мешавем, ки бори аввал дар таърих Ҷоми Чемпионати ҷаҳон оид ба футбол ба Тоҷикистон омад. Ин ҷоми асосии футболро дар доираи «Сайри ҷом» ба Душанбе оварданд. Ташкилкунандаи эксклюзивии он ширкати «Сoca-Соlа» мебошад. Рӯзи душанбе, 5 феврал ҳамаи хоҳишмандон ва дӯстдорони футбол имкон пайдо намуданд, ки ҷомро дар «Кохи Борбад»-и шаҳри Душанбе ва меҳмонхонаи «Hyatt Regency Dushanbe» бо чашмони худ бубинанд ва бо он акси хотиравӣ бигиранд. Дар Душанбе бо Ҷоми Чемпионати ҷаҳон оид ба футбол беш аз се ҳазор нафар акс гирифтанд.
Маълумотномаи АМИТ «Ховар»:
Ҷоми ҷаҳон оид ба футбол аз 5 кг тиллои холис ( меъёри 18-қирота) сохта шудааст. Соли таъсисаш ба соли 1974 рост меояд. Баландии ин ҷом 36,5 см буда, қутри асосиаш 13 см-ро дар бар мегирад. Вазни умумии ин ҷоиза 6 кг 175 граммро ташкил медиҳад. Дар ҷом андоми ду шахс, ки дар дасташон кураи заминро нигоҳ медоранд, таҷассум ёфтааст. Ин ҷомро бори аввал дар чемпионати ҷаҳони соли 1974 футболбози немис Франс Беккенбауер болои сар бардоштааст.
Тарҳи ҷом аз ҷониби ҳайкалтароши италиёвӣ Силвиё Гассанӣ тартиб дода шудааст.
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
