Қуръакашии Чемпионати Тоҷикистон-2018 оид ба футбол баргузор гардид
ДУШАНБЕ, 23.02.2018 /АМИТ «Ховар»/. Қуръакашии Чемпионати Тоҷикистон-2018 оид ба футбол байни дастаҳои Лигаи олӣ 22 феврал дар студияи Телевизиони «Варзиш» баргузор гардид. Дар он роҳбарон ва сармураббиёни дастаҳои Лигаи олии чемпионати мамлакат ширкат карданд. Дар ин бора ба АМИТ «Ховар» аз хадамоти матбуоти Федератсияи футболи Тоҷикистон хабар доданд.
Бозиҳои 27-умин Чемпионати Тоҷикистон байни дастаҳои Лигаи олӣ 10 март оғоз мегарданд. Дар он 8 даста, аз ҷумла, «Истиқлол» (Душанбе), «Хуҷанд» (Хуҷанд), КМВА «Помир» (Душанбе), «Регар-ТадАЗ» (Турсунзода), «Барқчӣ» (Ҳисор), «Хатлон» (Бохтар), «Панҷшер» (Ҷалолиддини Балхӣ) ва «Кӯктош» (Рӯдакӣ) ширкат хоҳанд кард.
Чун соли гузашта, чемпионати мамлакат дар се давр баргузор гашта, ҳар як даста то анҷоми мавсим 21 бозӣ анҷом медиҳад. Дастае, ки аз рӯи натиҷаи мавсим мақоми охиринро ишғол кард, Лигаи олиро тарк мекунад. Инчунин дастае, ки мақоми ҳафтумро ишғол мекунад, барои боқӣ мондан дар Лигаи олӣ бо барандаи медали нуқрагии Лигаи якум бозии гузариш анҷом медиҳад.
Дар ҷараёни қуръакашӣ намояндагони клубҳои Лигаи олии Тоҷикистон оид ба футбол бо навбат бо назардошти раддабандӣ барои муайян кардани рақами силсилавӣ қуръа кашиданд. Аз натиҷаи он дастаҳо чунин рақамгузорӣ шуданд:
- «Панҷшер» (Ҷалолиддини Балхӣ)
- КМВА «Помир» (Душанбе)
- «Хатлон» (Қӯрғонтеппа)
- «Барқчӣ» (Ҳисор)
- «Регар-ТадАЗ» (Турсунзода)
- «Истиқлол» (Душанбе)
- «Хуҷанд» (Хуҷанд)
- «Кӯктош» (Рӯдакӣ)
Аз рӯйи натиҷаи қуръакашӣ чор бозии даври аввали Чемпионати Тоҷикистон-2018 оид ба футбол муайян гардид:
Даври 1-ум
«Панҷшер» – «Кӯктош»
КМВА «Помир» – «Хуҷанд»
«Хатлон» – «Истиқлол»
«Барқчӣ» – «Регар-ТадАЗ»
Даври 2-юм
«Кӯктош» – «Регар-ТадАЗ»
«Истиқлол» – «Барқчӣ»
«Хуҷанд» – «Хатлон»
«Панҷшер» – КМВА «Помир»
Даври 3-юм
КМВА «Помир» – «Кӯктош»
«Хатлон» – «Панҷшер»
«Барқчӣ» – «Хуҷанд»
«Регар-ТадАЗ» – «Истиқлол»
Даври 4-ум
«Кӯктош» – «Истиқлол»
«Хуҷанд» – «Регар-ТадАЗ»
«Панҷшер» – «Барқчӣ»
КМВА «Помир» – «Хатлон»
Тақвими пурраи бозиҳои даври аввали Чемпионати Тоҷикистон баъд аз тасдиқ шудан нашр хоҳад шуд.
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
