Дар Бразилия ҷаласаи якуми Кумитаи роҳбарикунандаи умумиҷаҳонии Конфронси душанбегии байналмилалии сатҳи баланд баргузор гардид

ДУШАНБЕ, 20.03.2018 /АМИТ «Ховар»/. 18 марти соли равон дар шаҳри Бразилия ҷаласаи умумиҷаҳонии Конфронси душанбегии байналмилалии сатҳи баланд оид ба Даҳсолаи байналмилалии амалиёти «Об барои рушди устувор», солҳои 2018-2028 баргузор гардид.

Дар ин бора  ба мухбири АМИТ «Ховар» аз Вазорати энергетика ва захираҳои оби Ҷумҳурии Тоҷикистон хабар доданд.

Ба иттилои манбаъ, дар ҷаласаи мазкур таҳти раёсати муовини якуми Вазири энергетика ва захираҳои оби Ҷумҳурии Тоҷикистон, ҳамраиси кумитаи мазкур аз ҷониби Тоҷикистон Султон Раҳимзода баргузор гардида, дар он аъзои Кумитаи роҳбарикунандаи байналмилалӣ, намояндагони созмонҳои байналмилалӣ ва минтақавӣ иштирок намуданд.

Дар ҷаласа  иштирокчиён  лоиҳаи барномаи конфронс, мавзӯъ ва  формати ҷаласа, инчунин масъалаҳо вобаста ба робитаҳои тарафайни қабл аз оғози конфронс бо барномаҳои асосии он ва дигар масъалаҳои ташкилии кори ҷаласа баррасӣ гардиданд.

Бояд зикр намуд, ки 22 март дар шаҳри Ню-Йорки ИМА бо иштироки бевоситаи Президенти Ҷумҳурии Тоҷикистон муҳтарам Эмомалӣ Раҳмон чорабинии махсус оид ба оғози Даҳсолаи байналмилалии амал «Об барои рушди устувор», солҳои 2018-2028 ва 20 июни соли равон дар шаҳри Душанбе Конфронси байналмилалӣ оид ба тадбиқи Даҳсолаи мазкур, ки бо пешниҳоди Ҳукумати Ҷумҳурии Тоҷикистон ва ҷонибдории 177 мамлакати ҷаҳон эълон гардидааст, баргузор мегардад.