Дзюдочиёни тоҷик дар мусобиқот барои Ҷоми Аврупо соҳиби 2 медали биринҷӣ гардиданд!
ДУШАНБЕ, 05.03.2018 /АМИТ«Ховар»/. Рӯзҳои 3-4 марти соли равон дар шаҳри Анталияи Туркия Ҷоми Аврупо оид ба дзюдо миёни наврасон доир гардид. Дар он дзюдочиёни навраси мо сазовори 2 медали биринҷӣ шуданд.
Тавре аз Кумитаи миллии олимпии Тоҷикистон ба хабарнигори АМИТ «Ховар» иттилоъ доданд, дар мусобиқа 381 варзишгар аз 23 кишвар дар 8 вазн миёни писарон ва 8 вазн миёни духтарон барои медалҳо талош карданд.
Ҷумҳурии Тоҷикистонро дар ин мусобиқа 9 варзишгар миёни писарон намояндагӣ карданд. Аз миёни онҳо Ғаниҷон Ғаниев (-73 кг) ва Эмомризо Қурбонов (-90 кг) сазовори медали биринҷӣ гардиданд.
Дар ҳисоби даставӣ дастаи мизбон – Туркия бо ба даст овардани 7 медали тилло, 5 нуқра ва 13 биринҷӣ ҷои аввалро ишғол кард. Дастаи мунтахаби Қазоқистон бо 5 медали тилло, 2 нуқра, 7 биринҷӣ ҷои дуюм ва дастаи мунтахаби Озарбойҷон бо 1 медали тилло, 3 нуқра ва 1 биринҷӣ мақоми сеюмро сазовор гаштанд.
Ёдовар мешавем, ки дастаи мунтахаби Тоҷикистон бо ба даст овардани 2 медали биринҷӣ дар ҷои 14-ум қарор гирифт.
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
