ОБУ ҲАВО: имрӯз дар бештари минтақаҳои Тоҷикистон ҳавои офтобӣ дар назар аст

ДУШАНБЕ, 20.03.2018 /АМИТ «Ховар»/. Ба иттилои Агентии обуҳавошиносӣ, имрӯз дар ҷумҳурӣ ҳавои тағйирёбандаи абрнок ва бебориш  дар назар аст.

Имрӯз, 20 март дар вилояти Суғд ҳаво абрноки бебориш шуда, шамол аз самти шарқ 4-9  метр дар як сония мевазад. Ҳаво дар водиҳо шабона 4-9 ва рӯзона 19-24 дараҷа гарм хоҳад шуд.

Ба иттилои Агентӣ, дар Вилояти Мухтори Кӯҳистони Бадахшон ҳавои  абрноки тағйирёбанда пешгӯӣ шуда, дар ғарби вилоят ҳаво  шабона 4-1 ва рӯзона 9-14 дараҷа гарм хоҳад шуд. Дар шарқи ин вилоят ҳаво шабона 10-15 дараҷа сард ва рӯзона 2-7 дараҷа гарм мешавад.

Дар вилояти Хатлон ҳаво тағйирёбанда буда, шамол аз самти шарқ 2-7 метр дар як сония мевазад. Ҳаво шабона 8-13 ва рӯзона 23-28 дараҷа гарм мешавад.

Дар шаҳру ноҳияҳои тобеи марказ ҳаво абрӣ шуда, ҳарорат дар водиҳо шабона 6-11 ва рӯзона 20-25 дараҷа гарм мешавад. Дар шаҳри Душанбе ҳавои абрноки тағйирёбанда дар назар дошта шуда, ҳарорат шабона 7-9 ва рӯзона 23-25 дараҷа гарм мешавад.