Ғолибони мусобиқаи гӯштини «Ҷоми пойтахт-2018» муайян гардиданд

Март 27, 2018 11:24

ДУШАНБЕ, 27.03.2018 /АМИТ «Ховар»/. Шоми дирӯз дар Муассисаи давлатии «Наврӯзгоҳи пойтахт» мусобиқаи ҷумҳуриявӣ оид ба гӯштини миллӣ барои дарёфти «Ҷоми пойтахт-2018» баргузор гардид.

Тавре мухбири АМИТ «Ховар» хабар медиҳад, дар мусобиқаи мазкур 10 даста- «Душанбе-1», «Душанбе-2», «Хатлон-1», «Хатлон-2», «Суғд-1», «Суғд-2», дастаҳо аз Вилояти Мухтори Кӯҳистони Бадахшон, шаҳру ноҳияҳои тобеи марказ ва ноҳияи Рашт дар ҳайати калон    қувваозмоӣ намуданд.

Варзишгарон дар ин мусобиқа дар шаш вазн- 60, 70, 80, 90, 100  ва +100- кило байни ҳам қувваозмоӣ намуданд.

Сорбон Латифов  дар   вазни  60 кило бар ҳамаи рақибонаш ғолиб  омада,  соҳиби  «Ҷоми пойтахт-2018» гардид.

Хотиррасон менамоем, ки  соли 2017   Сорбон Латифов  дар  мусобиқаи ҷаҳонии самбо, ки дар шаҳри Сочии Федератсияи Россия баргузор гардид, дар   вазни 62  кило   соҳиби  медали биринҷӣ   шуда буд.

Орифҷон Додов дар вазни 70  кило   «Ҷоми пойтахт»-ро ба даст овард. Дар вазни 80 кило Акмал Муродов  бар ҳамаи рақибонаш ғолиб гардида, «Ҷоми пойтахт-2018»-ро  соҳиб гардид. Ҳоҷимашраб  Раҳмонов дар вазни 90  кило  ҳунари хуб нишон дода, ҳамаи рақибонашро мағлуб намуд. Ӯ сазовори медали тилло ва  «Ҷоми пойтахт» гардид.

Саидҷалол Саидов дар вазни +100 кило  Шоҳҷоизаи мусобиқаро ба даст оварда, сазовори автомобили тамғаи «Mercedes Benz» шуд ва «Ҷоми пойтахт-2018»-ро ба даст овард.

Ёдовар мешавем, ки соли гузашта  низ дар Муассисаи давлатии «Наврӯзгоҳи пойтахт» мусобиқаи ҷумҳуриявӣ оид ба гӯштини миллӣ барои дарёфти «Ҷоми пойтахт-2017» ва иди байналмилалии Наврӯз баргузор гардида буд.

 

Март 27, 2018 11:24

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид