Варзишгари тоҷик Сомон Маҳмадбеков дар Ҷоми Аврупо оид ба дзюдо миёни ҷавонон дар Португалия соҳиби медали нуқра гардид
ДУШАНБЕ, 19.03.2018. /АМИТ «Ховар»/. 17-18 марти соли равон дар шаҳри Коимбраи Португалия Ҷоми Аврупо оид ба дзюдо миёни ҷавонон баргузор гардид. Дар мусобиқаи мазкур Ҷумҳурии Тоҷикистонро варзишгари шинохта Сомон Маҳмадбеков намояндагӣ намуда, соҳиби медали нуқра гардид. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.
«Сомон ягона намояндаи Тоҷикистон дар ин мусобиқа буд. Ӯ дар вазни -73 кг бар варзишгарони италиявӣ Комӣ Бедел, португалиявӣ Ҷоа Алмеида, нидерландӣ Яннер Ван Дер Колк ва франсавӣ Ҳуго Метифиот ғолиб омада, ба даври нимфинал роҳ ёфт, — омадааст дар хабарномаи Кумитаи олимпӣ. – Дар нимфинал ӯ варзишгари дигари италиявӣ Алессандро Магнаниро шикаст дода, дар финал аз варзишгари исроилӣ Еҳонатан Елбаз мағлуб шуд ва соҳиби медали нуқраи мусобиқа гардид».
Мавриди зикр аст, ки дар мусобиқаи мазкур 485 варзишгар аз 26 кишвари дунё иштирок доштанд. Аз рӯи натиҷаҳои даставӣ, Россия бо 4 медали тилло, 1 нуқра ва 3 биринҷӣ ҷои аввал, Испания бо 4 медали тилло ва 6 биринҷӣ ҷои дуввум ва Нидерландия бо 3 медали тилло, 3 нуқра ва 5 биринҷӣ ҷои севвумро ишғол намуданд.
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
