«Академияи ВАО-и Тоҷикистон» барои кормандони телевизион ва радио давраҳои бозомӯзиро баргузор намуд
ДУШАНБЕ, 12.04.2018 /АМИТ «Ховар»/. Наздик ба 20 нафар кормандони эҷодию техникии шабакаҳои телевизионӣ ва радиоӣ баъди иштирок дар давраҳои бозомӯзӣ дар мавзӯъҳои «Танзими барномаҳо бо формати HD» ва «Санъати суханварӣ», ки дар Муассисаи давлатии «Академияи ВАО-и Тоҷикистон» баргузор шуданд, соҳиби шаҳодатнома гардиданд.
Аз муассисаи давлатии «Академияи ВАО-и Тоҷикистон» ба АМИТ «Ховар» иттилоъ доданд, ки дар машғулияти омӯзишии «Танзими барномаҳо бо формати HD» мутахассиси соҳа Маъруфҷон Оқилов ҳайати техникии шабакаҳои телевизионӣ аз ҷумла, танзимгаронро бо формати дақиқияташ баланд (HD) шинос намуда, таҳияи барномаҳо ва гузоришҳоро бо технологияи мазкур омӯзонид.
Инчунин, донишманди тоҷик, профессор Баҳриддин Камолиддинов ва яке аз наттоқони варзида ва собиқадори радио Зевар Ҷӯраева дар семинари омӯзишии «Санъати суханварӣ» наттоқони шабакаҳои телевизиониро бо истифодаи дурусти калимаҳои забони тоҷикӣ ва техникаи талаффузи овоз шинос намуданд.
Пас аз хатми машғулиятҳои бозомӯзӣ ба иштирокчиён шаҳодатнома супорида шуд.
Дар шаҳри Бишкек ҷаласаи якуми Комиссияи байниҳукуматии Тоҷикистону Қирғизистон баргузор гардид
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
Дар Донишгоҳи давлатии Кӯлоб бахшида ба Рӯзи ҷаҳонии занон ва духтарон дар соҳаи илм конфронси байналмилалӣ доир гардид
Имрӯз дар Тоҷикистон ҳавои тағйирёбанда пешгӯӣ мешавад
