Душанбегиҳо Рӯзи пойтахтро бо сайругашти идона ва мусобиқоти варзишӣ истиқбол менамоянд

Апрель 18, 2018 16:46

ДУШАНБЕ, 18.04.2018 /АМИТ  «Ховар»/. Бо мақсади дар сатҳи баланд ва бошукӯҳ таҷлил намудани Рӯзи пойтахт, ки ҳамасола шанбеи сеюми моҳи апрел таҷлил мегардад, Мақомоти иҷроияи ҳокимияти давлатии шаҳри Душанбе маҷмӯи чорабиниҳои  гуногуни фарҳангию варзиширо тарҳрезӣ намудааст.

Тавре аз Раёстаи иттилоот ва робитаҳои хориҷии Дастгоҳи Раиси шаҳри Душанбе ба АМИТ «Ховар» иттилоъ доданд,  21 апрел  дар боғҳои фарҳангию фароғатии чор ноҳияи пойтахт — боғҳои ба номи Садриддин Айнӣ, Александр Мироненко, «Дӯстии халқҳо» ва  Майдони  «800-солагии Москва»  сайругашти оммавии сокинону меҳмонони Душанбе, инчунин намоиш-фурӯши ҳунарҳои мардумӣ, маҳсулоти қаннодию кулчагӣ ташкил карда шуда, мутрибон ва овозхонҳои дастаҳои ҳунарии пойтахт бо шеъру тарона барои сокинони пойтахт ва меҳмонони он базми бошукӯҳи идона барпо менамоянд.

Инчунин дар Рӯзи пойтахт дар саҳни майдони «Кохи Наврӯз» дӯстдорони мошинҳои қадимаро намоиши намунаҳои гуногуни мошинҳое, ки санаи  бароришашон  ба  қарни 20 рост меояд —  «Авторетро -2018» интизор аст.

Истиқболи Рӯзи пойтахт бидуни баргузории  мусобиқоти варзишӣ тасаввурнопазир аст. Дар ин росто, роҳбарияти Мақомоти иҷрояи ҳокимияти  давлатии шаҳри Душанбе  тасмим гирифтааст, ки ба ифтихори  Рӯзи пойтахт —   21 апрел   Ниммарафони байналмилалӣ баргузор намояд. Интизор меравад, ки дар он намояндагон -варзишгарони беш аз 20 давлати ҷаҳон ширкат варзанд.

Ҳамчунин дар ин рӯз соати 14:00 дар Муассисаи давлатии «Наврӯзгоҳ» пойгаи аспдавонӣ баргузор карда мешавад.

Шоми 21 апрел дар Муассисаи фарҳангию фароғатии «Аҳорун» (Амфитеатр)  барномаи фарҳангӣ бо иштироки роҳбарияти пойтахт ва сокинон баргузор гардида, дар он ғолибони мусобиқоти идона ва   озмунҳои шаҳрӣ бо мукофоту туҳфаҳои  хотиравӣ сарфароз мегарданд.

 

 

Апрель 18, 2018 16:46

Хабарҳои дигари ин бахш

Раиси шаҳри Душанбе бо губернатори Ҳукумати мардумии музофоти Шенсии Чин мулоқот намуданд
Рустами Эмомалӣ бо Сафири Ҷопон дар Тоҷикистон Кейко Фурута мулоқот намуданд
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд
Шаҳри Душанбе то соли 2028 пурра ба нақлиёти мусофиркаши барқӣ мегузарад
Даври шаҳрии Озмуни ҷумҳуриявии «Оилаи беҳтарин» баргузор мегардад
«RED BUS TOURS». Дар Душанбе мавсими хатсайрҳои сайёҳии дохилишаҳрӣ оғоз мегардад
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ дар ноҳияи Сино супорида шуд
Дар Душанбе ба пешвози меҳмонон-иштирокдорони Конфронси байналмилалии сатҳи баланд оид ба ҳифзи пиряхҳо омодагӣ мегиранд
Бо қарори Раиси шаҳри Душанбе Рӯзи ҷавонони Тоҷикистон дар сатҳи баланд таҷлил мегардад