Федератсияи футболи Тоҷикистон ва Ассотсиатсияи футболи Ӯзбекистон оид ба ҳамкорӣ ба мувофиқа расиданд
ДУШАНБЕ, 12.04.2018 /АМИТ «Ховар»/. Федератсияи футболи Тоҷикистон ва Ассотсиатсияи футболи Ӯзбекистон оид ба ҳамкорӣ ва шарикӣ байни якдигар ба мувофиқа расиданд. Дар ин бора ба АМИТ «Ховар» аз Хадамоти матбуоти Федератсияи футболи Тоҷикистон хабар доданд.
Президенти кумитаи олимпии Ӯзбекистон, муовини аввали президенти Ассотсиатсияи футболи Ӯзбекистон Умед Аҳмадҷонов дар доираи сафари корӣ ба Душанбе бо роҳбарияти Кумитаи миллии олимпии Тоҷикистон ва Федератсияи футболи Тоҷикистон мулоқот анҷом дод.
Президенти Федератсияи футболи Тоҷикистон Рустами Эмомалӣ рӯзи чоршанбе бо муовини аввали президенти Ассотсиатсияи футболи Ӯзбекистон Умед Аҳмадҷонов мулоқоти корӣ анҷом дод. Ҷонибҳо як қатор масъалаҳои муҳимро муҳокима карданд ва дар бораи ҳамкории доимӣ байни федератсияҳои футболи миллии ҳарду кишвар ба мувофиқа расиданд.
Роҳбарони ФФТ ва ФФУ нақшаи баргузор намудани вохӯриҳои дӯстонаро байни дастаҳои мунтахаби гуногуни футболи Тоҷикистон ва Ӯзбекистон баррасӣ намуданд. Инчунин ҷонибҳо ба мувофиқа расиданд, ки ҳамкориро дар самти футболи занона, наврасон, футболи оммавӣ, тиббӣ, варзишӣ, таъминоти дастгирии илмӣ-техникӣ, тадрис, доварӣ ва дигар самтҳо ба роҳ монанд.
Дар доираи сафари корӣ ба Душанбе Умед Аҳмадҷонов, ки ҳамзамон президенти Ассотсиатсияи футболи Осиёи Марказист, бозии даври сеюми Ҷоми Конфедератсияи футболи Осиё-2018 – ро байни дастаҳои «Истиқлол»-и Тоҷикистон ва «Алай»-и Қирғизистон дар Варзишгоҳи марказии шаҳри Ҳисор тамошо намуд.
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
