Раиси нави Федератсияи самбои Тоҷикистон интихоб гардид
ДУШАНБЕ, 11.04.2018 /АМИТ «Ховар»/. Имрӯз дар толори Кумитаи миллии олимпии Тоҷикистон маҷлиси умумии Федератсияи гӯштини самбои Тоҷикистон баргузор гардид, ки дар он Давлатмурод Наҳтуллозода, директори генералии КВД «Ташкили фурӯши амволи давлатӣ»-и Кумитаи давлатии сармоягузорӣ ва идораи амволи давлатӣ раиси нави федератсия интихоб шуд.
Раиси Кумитаи кор бо ҷавонон ва варзиши назди Ҳукумати ҷумҳурӣ, ҳамзамон муовини Президенти Кумитаи миллии олимпӣ Аҳтам Абдуллозода Д. Наҳтуллозодаро барои интихоб шуданаш ба ин мақом табрик гуфта, иброз дошт, ки солҳои охир гӯштини самбо дар мамлакат рушд кардааст ва дар айни замон дар ҷумҳурӣ беш аз 500 нафар дар ин намуди варзиш тамрин мекунанд.
Таъкид гардид, ки варзишгарони мо дар сатҳи байналмилалӣ дастовардҳои назаррас доранд. Аз ҷумла соли гузашта дар чемпионати ҷаҳон тими мунтахаби самбои Тоҷикистон сазовори 5 медал гардид. Варзишгари маъруфи тоҷик Беҳрӯз Хоҷазода баъд аз 42 соли пирӯзии Саидмуъмин Раҳимов дар ин чемпионат медали тилло ба даст овард. Гӯштини самбо дар барномаи 18-ум Бозиҳои Осиё, ки моҳи августи имсол дар Индонезия баргузор мешавад, ворид гардидааст ва аз мураббиёни ин намуди варзиш даъват карда шуд, ки ба бозиҳо таҳти роҳбарии раиси нави федератсия ҷиддӣ омода шаванд.
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
