ТЕФЕРА ГОЗА (ЭФИОПИЯ) ВА ДАРЯ МАСЛОВА (ҚИРҒИЗИСТОН) ПЕШ АЗ ДИГАРОН БА МАРРА РАСИДАНД. Ғолибони Ниммарафони IX байналмилалии шаҳри Душанбе муайян ва қадрдонӣ гардиданд

Апрель 21, 2018 15:41

ДУШАНБЕ, 21.04.2018 /АМИТ «Ховар»/. Ниммарафони IX байналмилалӣ бахшида ба Рӯзи пойтахти Тоҷикистон, ки  имрӯз  дар шаҳри Душанбе баргузор шуд, бо пирӯзии Тефера Гоза аз Эфиопия ва Даря Маслова аз Қирғизистон ба поён расид.

Дар Ниммарафони IX байналмилалии Душанбе тақрибан 50 варзишгар аз 18 кишвари олам  ширкат  намуданд. Ниммарафон, ки масофаи 21 километру 97 метрро дарбар гирифт, аз «Наврӯзгоҳ»-и пойтахт шуруъ шуда, дар назди ҳайкали Исмоили Сомонӣ ба поён расид.

Дар Ниммарафони IX байналмилалӣ дар сабқати мардон Тефера Гоза аз Эфиопия бо натиҷаи 1 соату 9 дақиқаю 3 сония мақоми аввалро касб кард. Маана Ретер Курушбу аз Кения (1:05,05) мақоми дуввум ва Фенте Гирша аз Эфиопия (1:05,39) мақоми севвумро соҳиб шуданд. Адилет Киштанбеков (Қирғизистон, 1:07,05) ҷойи чаҳорум, Иля Тапкин (Қирғизистон, 1:07,15) ҷойи панҷум ва Андрей Петров (Ӯзбекистон, 1:08,27) ҷойи шашумро ишғол карданд.

Дар сабқати занон Даря Маслова аз Қирғизистон бо натиҷаи 1 соату 13 дақиқаю 38 сония мақоми аввалро касб намуд. Мария Хмелнитская (Ӯзбекистон, 1:16,05) мақоми дуввум ва Ситора Ҳамидова (Ӯзбекистон, 1:14,19) мақоми севвумро соҳиб шуданд. Александра Шафар (Украина, 1:17,53) ҷойи чаҳорум, Мария Коробитеная (Қирғизистон, 1:18,54) ҷойи панҷум ва Мурунги Бетти Касамбӣ (Кения, 1:20,55) ҷойи шашумро гирифтанд.

Бояд тазаккур дод, ки дар Ниммарафони байналмилалии Душанбе ғолибони мусобиқоти гуногуни сатҳи ҷаҳонӣ ширкат намуданд. Барои мисол, Тефера Гоза аз давандаҳои машҳури олам аст, ки борҳо дар мусобиқаҳои байналмилалӣ иштирок ва ғалаба кардааст. Умуман, варзишгарони Эфиопия ҳар сол дар сатҳи ҷаҳонӣ натиҷаҳои баланд ба даст меоранд. Даря Маслова бошад порсол дар Чемпионати Осиё, ки дар шаҳри Бхубанешвари Ҳиндустон доир шуда буд, ба гирифтани ду медали тилло шарафёб гардид. Ӯро ба ин муносибат шахсан президенти Қирғизистон ба ҳузур пазируфта, муборакбод намуда буд.

Ин варзишгардухтари қирғизистонӣ маротибаи дуюм аст, ки ғолиби Ниммарафони байналмилалии Душанбе мегардад – ду сол пеш низ маҳз ӯ ба дарёфти мақоми аввал ноил гардида буд.

Тавре қаблан хабар дода бедем, Мақомоти иҷроияи ҳокимияти давлатии шаҳри Душанбе барои баргузории Ниммарафони IX байналмилалӣ  ба андозаи 398 ҳазору 53 сомонӣ (ҳудуди 45 ҳазор доллари ИМА)  маблағ ҷудо намуд. Варзишгароне, ки дар ин ниммарафон миёни занону мардон ҷойҳои аз 1-ум то 6-умро гирифтанд, бо ҷоизаҳои молӣ ба маблағи аз 13 ҳазору 350 сомонӣ то 31 ҳазору 150 сомонӣ сарфароз гаштанд.  Аз ҷумла,  барои ҷои 1-ум –  31150 сомонӣ, ҷои дуюм- 26700 сомонӣ, ҷои сеюм- 22250 сомонӣ, ҷои чорум – 17800 сомонӣ, ҷои панҷум – 16020 сомонӣ  ва ҷои шашум – 13350 сомонӣ тақдим карда шуд.

Ёдовар мешавем, ки соли гузашта дар Ниммарафони VIII байналмилалӣ дар сабқати мардон Тилаҳун Гирма аз Эфиопия бо натиҷаи 1 соату 4 дақиқаю 58 сония ва дар сабқати занон Виктория Полюдина аз Қирғизистон бо натиҷаи 1 соату 13 дақиқаю 19 сония ғолиб шуда буданд.

Вале варзишгарони тоҷик дар Ниммарафони IX байналмилалӣ аз ҷоизаҳо бенасиб монданд. Бояд гуфт, ки натиҷаҳои беҳтарини варзишгарони тоҷик дар нӯҳ даври ниммарафони байналмилалӣ ҷойҳои чоруми Ҳасан Ғаффоров (солҳои 2013 ва 2016) байни мардон ва Надима Мирзоева (соли 2010 ) миёни занон мебошад.

                               Ҳамаи ғолибони

Ниммарафони байналмилалии Душанбе (2010-2018):

                      Байни занон

2010 – Надежда Поволяева (Россия)

2011 – Алёна Самохвалова (Россия)

2012 – Камила Ханипова (Россия)

2013 – Александра Дулиба (Беларус)

2014 – Ситора Ҳамидова (Ӯзбекистон)

2015 – Юлия Чиженко (Россия)

2016 – Даря Маслова (Қирғизистон)

2017 – Виктория Полюдина (Қирғизистон)

2018 – Даря Маслова (Қирғизистон))

                         Байни мардон  

2010 – Тоҳир Мамашев (Қазоқистон)

2011 – Михаил Биков (Россия)

2012 – Андрей Петров (Ӯзбекистон)

2013 – Андрей Петров (Ӯзбекистон)

2014 – Роман Романенко (Украина)

2015 – Юрий Чечун (Россия)

2016 – Либога Вилсон (Кения)

2017 – Тилаҳун Гирма (Эфиопия)

2018 – Тефера Гоза (Эфиопия)

 

 

 

 

 

 

 

 

Апрель 21, 2018 15:41

Хабарҳои дигари ин бахш

Мусобиқаи байналмилалӣ оид ба теннис миёни наврасон барои дарёфти Ҷоми Президенти Ҷумҳурии Тоҷикистон оғоз ёфт
Аз 2 то 7 август Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон ҷараён мегирад
Бозиҳои даври ҳаштякфинали Ҷоми Тоҷикистон оид ба футбол баргузор шуданд
Дастаи мунтахаби ҷавонони Тоҷикистон (U-15) бо ҳамсолони худ аз Узбекистон бозиҳои дӯстона мегузаронад
Варзишгарони тоҷик аз Бозиҳои олимпии Токио-2020 ба Ватан бе медал бармегарданд
ФУТЗАЛ. Тоҷикистон дар Мусобиқаи байналмилалии «Continental Futsal Championship 2021» соҳиби мақоми панҷум шуд
Темур Раҳимов низ аз идомаи рақобатҳои Бозиҳои олимпӣ маҳрум шуд
ДЗЮДО. Темур Раҳимов ба даври 1/8-финали Бозиҳои олимпӣ роҳ ёфт
Боксчии тоҷик Сиёвуш Зуҳуров аз идомаи рақобатҳои Бозиҳои олимпӣ маҳрум шуд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Тӯли шаш моҳ дар мамлакат 72 иншооти варзишӣ ба истифода дода шуданд
Паҳлавони тоҷик Комроншоҳ Устопириён аз идомаи рақобатҳои Бозиҳои олимпӣ маҳрум шуд
Дар Хоруғ бахшида ба 30-солагии Истиқлоли давлатӣ мусобиқа оид ба футболи хурд гузаронида шуд

Маводҳои таҳлилӣ