12 МЕДАЛИ ТИЛЛО! Дастаи миллии мактаббачаҳои Тоҷикистон дар Олимпиадаи байналмилалӣ дар Ҳиндустон сазовори ҷои аввал гардид
ДУШАНБЕ, 29.05.2018. /АМИТ «Ховар»/. Аз 20 то 26 майи соли 2018 дар Донишгоҳи Амитии шаҳри Ноидаи Ҳиндустон Олимпиадаи 7-уми байналмилалӣ байни мактаббачагон аз фанҳои математика, физика, химия ва биология баргузор гардид, ки дар он бо дастгирии Мақомоти иҷроияи ҳокимияти давлатии шаҳри Душанбе ва бевосита Раиси шаҳри Душанбе Рустами Эмомалӣ 27 нафар хонандагони муассисаҳои таълимии шаҳри Душанбе бо роҳбарии омўзгорони Маркази рушди истеъдодҳои шаҳри Душанбе Одил Маматов ва Равшан Каримов ширкат варзиданд. Дар ин олимпиада дастаи миллии мактаббачагони Тоҷикистон сазовори ҷои аввал шуд. Дар ин бора аз Маркази рушди истеъдодҳои шаҳри Душанбе хабар доданд.
Дар Олимпиада толибилмон аз 15 кишвари олам, аз ҷумла, аз Ҳиндустон, Тоҷикистон, Афғонистон, Индонезия, Иёлоти Муттаҳидаи Америка, Бангладеш, Непал, Туркия, Туркманистон, Қазоқистон, Қирғизистон, Молдова ва Руминия иштирок намуданд. Дар Олимпиадаи мазкур толибилмони муассисаҳои таълимии шаҳри Душанбе, аз қабили хонандагони Литсейи №1 барои хонандагони болаёқати шаҳри Душанбе, Литсей-интернати Президентӣ, Литсей барои хонандагони болаёқат дар ш. Душанбе ва Литсейи инноватсионии Душанбе зери роҳбаладии омӯзгорон ва мутахассисони Маркази рушди истеъдодҳои назди Сарраёсати маорифи шаҳри Душанбе иштирок намуданд.
Бори дуввум аст, ки Тоҷикистон дар ин олимпиадаи байналмилалӣ иштирок мекунад.
Бояд ёдовар шуд, ки дастаи мунтахаби Олимпии шаҳри Душанбе дар иттиҳодияҳои таълимии математикаи Маркази рушди истеъдодҳо барои иштирок дар олимпиадаҳои байналмилалӣ таҳсил намуда, зери роҳбарии Равшан Каримов таълим мегирифт.
Дар Олимпиадаи мазкур хонандагони мо бо гирифтани 23 медал — 12 медали тилло, 6 медали нуқра ва 5 медали биринҷӣ парчами Тоҷикистонро дар байни 15 давлати ҷаҳон, аз ҷумла: Ҳиндустон, Афғонистон, Қазоқистон, Қирғизистон, Россия, Амрико, Туркия, Руминия, Грузия ва дигар мамлакатҳо боло бардоштанд.
Аз рӯи шумораи медалҳои тилло мактаббачаҳои тоҷик дар ин Олимпиадаи бонуфуз ҷои аввалро ишғол намуданд.
Дар маросими бошукӯҳи пӯшидашавии олимпиада, ки 26 май баргузор гардид, кормандони Сафорати Ҷумҳурии Тоҷикистон дар Ҳиндустон ба ҳайси меҳмон ҳузур доштанд.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
