Алекен Еминбахэ ва ҳамроҳони ӯ аз Осорхонаи миллӣ дидан намуданд

ДУШАНБЕ, 24.05.2018 /АМИТ «Ховар»/. Имрӯз  муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ ва  муовини раиси Кумитаи доимии Маҷлиси умумихитоии вакилони мардумии Ҷумҳурии Мардумии Чин Алекен Еминбахэ, ки дар ҷумҳурии мо бо сафари расмӣ қарор дорад,  аз  Маркази барқу гармдиҳии «Душанбе-2» ва мавзеъҳои зебоманзари  ноҳияи Варзоб дидан менамоянд.

Тавре аз Маҷлиси намояндагон ба АМИТ «Ховар» хабар доданд,  Алекен Еминбахэ ва ҳайати ҳамроҳонаш аз  Осорхонаи миллӣ  ва «Кохи Наврӯз» дидан намуданд.

Дар назар аст, ки  меҳмонон  пагоҳ аз   майдони  «Дӯстӣ»,  Боғи Устод Рӯдакӣ,  Маҷмааи Нишон ва Парчами миллии Ҷумҳурии Тоҷикистон дидан намоянд.

Ёдовар мешавем, ки  23 май   Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо муовини раиси Кумитаи доимии Маҷлиси умумихитоии вакилони мардумии Ҷумҳурии Мардумии Чин Алекен Еминбахэ ва ҳамроҳони ӯ, ки бо сафари расмӣ ба Тоҷикистон омадаанд, мулоқот намуд.