«Амонатбонк» дар ҷамоати Язгуломи ноҳияи Ванҷ бинои нави хизматрасонии бонкиро бунёд кард
ХОРУҒ, 16.05.2018 /АМИТ «Ховар»/. Сокинони деҳаи дурдасти Будуни водии Язгуломи ноҳияи Ванҷ акнун бидуни мушкил метавонанд музди меҳнат, нафақа, қарзи бонкӣ, ҳаволапулӣ аз дохил ва хориҷи кишварро саривақт дастрас намоянд. Бо кумаки молии Бонки давлатии амноатгузории /БДА/ «Амонтабонки»-и ҷумҳурӣ дар ин деҳа бинои хуштарҳу замонавии Маркази хизматрасонии бонкӣ ба истифода дода шуд.
Раиси ноҳия Давлатбибӣ Раҷабова зимни ифтитоҳи ин марказ ба роҳбарияти БДА «Амонатбонк» барои ҷудо кардани 96 ҳазор сомонӣ ҷиҳати бунёди чунин бинои замонавӣ ва ба масъулини ҶДММ «Махсум» барои бо сифати баланд анҷом додани корҳои сохтмонӣ изҳори миннатдорӣ баён кард. Зикр гардид, ки деҳаи Будуни водии Язгулом аз маркази ноҳия ва ҷамоат фарсахҳо дур буда, сокинони он ба хусус нафақахӯрон, ки теъдодашон то ба 400 нафар мерасад, ҳангоми гирифтани нафақа ё ҳаволапулиҳо аз дохил ва хориҷи кишвар ба мушкил рӯ ба рӯ мешуданд. Ҳоло ин мушкили онҳо осон шуд. Акнун бошандагони деҳа ба ҷузъ музди меҳнату нафақа ҳамчунин аз ин марказ қарзҳои дарозмуддату кӯтоҳмуддат гирифта, барои боло бурдани сатҳи зиндагии худ истифода мебаранд.
Раиси ноҳия аз дастовардҳои замони истиқлол ёдовар шуда, изҳор намуд, ки дар паи ҳар як ташрифи Пешвои миллат ба ин водӣ ва суҳбату вохӯриҳо бо мардум дигаргуниҳои куллӣ дар ҳаёти бошандагони деҳа ба вуқӯъ мепайваст. Танҳо дар даҳсолаи охир чандин биноҳои маъмурию маишӣ, таълимию тандурустӣ, неругоҳҳои хурди барқӣ мавриди баҳрабардорӣ қарор дода шуданд.
Дар Душанбе масъалаи минтақаҳои осебпазири Тоҷикистон ва идораи хатари офатҳои табиӣ баррасӣ шуд
Созмони ҷаҳонии тандурустӣ хуруҷи бемории Mpox-ро ҳолати фавқулодаи ҷаҳонӣ эълон намуд
Имрӯз филмбардор ва аккоси маъруф Заур Дахте аз олам даргузашт
Бар асари обхезӣ дар Африқои Ғарбӣ беш аз 70 нафар ҳалок гардид
Лайфхак: чӣ тавр метавон ҳаҷми интернети мобилиро бештар кард
СОЛИ МАЪРИФАТИ ҲУҚУҚӢ. Дар Хуҷанд доир ба баланд бардоштани маърифати ҳуқуқии аҳолӣ вохӯрӣ доир шуд
СОЛИ МАЪРИФАТИ ҲУҚУҚӢ. Дар «Тоҷикаэронавигатсия» доир ба такмили донишҳои ҳуқуқӣ ҳамоиш баргузор шуд
ТАВАҶҶУҲ! Вазорати меҳнат, муҳоҷират ва шуғли аҳолӣ: «Аз шаҳрвандони Тоҷикистон даъват мешавад, ки талаботи нави қонунгузорӣ дар самти муҳоҷиратро дар Русия риоя кунанд»
Дар натиҷаи тирпаронӣ дар Донишгоҳи амрикоии иёлати Вирҷиния чор нафар маҷруҳ шуд
Дар Бадахшон 30-солагии таъсиси Кумитаи ҳолатҳои фавқулода ва мудофиаи граждании Тоҷикистон таҷлил шуд
Олимони тоҷик дар машварати илмӣ оид ба баланд бардоштани самаранокии идоракунии хавфҳои биологӣ иштирок намуданд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиш доир шуд
