Фирдавс Саидзода муовини Раиси шаҳри Душанбе таъйин гардид
ДУШАНБЕ, 30.05.2018 /АМИТ «Ховар»/. Муовини Раиси шаҳри Душанбе Саидзода Қурбон Тағай 24 майи соли равон аз мансаби ишғолнамудааш бо хоҳиши худ озод гардид. Бо Қарори Раиси шаҳри Душанбе Рустами Эмомалӣ аз 29 май ба ин мансаб Саидзода Фирдавс Ҳамро таъйин шуд. Қарори мазкур барои тасдиқ ба Маҷлиси вакилони халқи шаҳри Душанбе пешниҳод мегардад.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, аз ин пеш Фирдавс Саидзода дар вазифаи директори Муассисаи давлатии коммуналии «Душанбенақлиётхадамотрасон»-и шаҳри Душанбе фаъолият дошт.
Бо қарори дигари Раиси шаҳр аз 29 май Давлатов Ҷумахон Бегович муваққатан иҷрокунандаи вазифаи директори Муассисаи давлатии коммуналии «Душанбенақлиётхадамотрасон»-и шаҳри Душанбе таъйин гардид.
Маълумотномаи АМИТ «Ховар»:
Муовини Раиси шаҳри Душанбе Фирдавс Саидзода 9 июли соли 1971 дар ноҳияи Мир Саид Алии Ҳамадонии вилояти Хатлон таваллуд шуда, соли 1991 Донишгоҳи техникии Тоҷикистон бо номи академик М.С.Осимиро бо ихтисоси иқтисодиёт ва ташкили нақлиёти автомобилӣ хатм намудааст. Номбурда фаъолияти кориашро аз ҳамин ноҳия оғоз намуда, солҳои 1993-1995 дар вазифаи сардори шуъбаи нақлиётии Иттиҳодияи мусофиркашонӣ ва солҳои 1995-1997 сардори шуъбаи Иттиҳодияи ҷумҳуриявии терминалҳои мусофиркашонии Вазорати нақлиёти Ҷумҳурии Тоҷикистон идома додааст. Мавсуф солҳои минбаъда дар вазифаҳои сардори шуъбаи истифодаи Ҷамъияти саҳҳомии «Пассажиртранс»-и шаҳри Душанбе (с.1997-2000), муовини сардори Корхонаи воҳиди давлатии нақлиёти автомобилии мусофиркашонии №1-и шаҳри Душанбе (с.2000-2007), сардори Корхонаи коммуналии воҳиди давлатии «Троллейбус»-и шаҳри Душанбе (с. 2007-2008), директори Корхонаи коммуналии воҳиди давлатии «Автобус-1»-и шаҳри Душанбе (с. 2008-2013), директори Муассисаи давлатии коммуналии «Душанбенақлиётхадамотрасон» (с. 2013-2015), директори Корхонаи коммуналии воҳиди давлатии «Насби нақлиёти барқӣ (троллейбус) ва велосипед» (с. 2015-2017) ва директори Муассисаи давлатии коммуналии «Душанбенақлиётхадамотрасон» (с. 2017-2018) кор кардааст.
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
Қарори Раиси шаҳри Душанбе оид ба шарҳу тавзеҳи Паёми Президенти Ҷумҳурии Тоҷикистон ба тасвиб расид
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
