Футбол: дастаи мунтахаби ҷавонони Тоҷикистон бар дастаи Қирғизистон бо ҳисоби 5 :1 ғалаба кард
ДУШАНБЕ, 31.05.2018. /АМИТ «Ховар»/. Дастаи мунтахаби ҷавонони то 19-солаи Тоҷикистон оид ба футбол аввалин бозии рафиқонаи худро дар доираи ҷамъомади таълимӣ-тамринӣ дар шаҳри Бишкек баргузор намуд.
Тавре аз маркази матбуоти Федератсияи футболи Тоҷикистон ба АМИТ «Ховар» иттилоъ доданд, рақиби дастаи ҷавонони кишвар дар ин дидор дастаи мунтахаби ҷавонони то 21-солаи Қирғизистон гардид. Дидори мазкур дар варзишгоҳи ба номи Долен Омурзоқови шаҳри Бишкек сурат гирифта, бо ғалабаи бузурги футболбозони тоҷик – 5 бар 1 ба анҷом расид. Голҳоро дар ҳайати мунтахаби ҷавонони Тоҷикистон Шериддин Боев (3 гол ё хет-трик), Кароматулло Саидов ва Шаҳром Самиев ба ҳадаф расониданд.
Рӯзи шанбе, 2 июн дастаи мунтахаби ҷавонони Тоҷикистон дар шаҳри Бишкек бо дастаи мунтахаби ҷавонони то 21-солаи Қирғизистон бозии рафиқонаи ҷавобӣ анҷом медиҳад.
Ҷамъомади таълимӣ-тамринӣ дар Бишкек бо мақсади омода намудани дастаи мунтахаби ҷавонони Тоҷикистон ба марҳилаи ниҳоии чемпионати Осиё-2018, ки аз 18 октябр то 4 ноябр дар Индонезия баргузор мегардад, равона шудааст. Дар чемпионати Осиё дастаи мунтахаби ҷавонони кишвар дар гурӯҳи «D» бо дастаҳои Арабистони Саудӣ, Чин ва Малайзия қувваозмоӣ менамояд.
Дар натиҷаи даври гурӯҳӣ ду дастаи беҳтарин аз ҳар гурӯҳ рақобатро барои медалҳо идома медиҳанд. Дастаи мунтахаби ҷавонони Тоҷикистон дар сурати ба марҳилаи ¼-ниҳоӣ роҳ ёфтан бо яке аз дастаҳои гурӯҳи «C» — Ветнам, Кореяи Ҷанубӣ, Австралия ё Урдун бозӣ хоҳад кард.
Бозии рафиқона
Қирғизистон (U-21) – ТОҶИКИСТОН (U-19) – 1:5
Голҳои дастаи мунтахаби ҷавонони Тоҷикистонро Шериддин Бобоев (3), Кароматулло Саидов (ҷаримаи 11-метра), Шаҳром Самиев заданд.
Тоҷикистон: Шоҳрух Қирғизбоев, Ҳусейн Нурматов (Дамир Азимов, 68), Ваҳдат Ҳанонов, Манучеҳр Сафаров (Наимҷон Иброҳимзода, 46), Оятулло Сафаров, Шервон Мабатшоев (Султоншо Мирзоев, 46), Шарафҷон Солеҳов, Эҳсони Панҷшанбе, Кароматулло Саидов (Саидмухтор Азимов, 46), Шаҳром Самиев (Аваз Камчинов, 46), Шериддин Бобоев (Абдулмумин Забиров, 46).
30 май. Бишкек. Варзишгоҳи ба номи Долен Омурзоқов.
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
