Хонандагони Тоҷикистон дар Олимпиадаи 6-уми байналмилалии HIPPO дар шаҳри Венетсияи Италия иштирок намуданд
ДУШАНБЕ, 16.05.2018 /АМИТ «Ховар»/. Аз 12 то 13 майи соли равон дар шаҳри Венетсияи Ҷумҳурии Италия Олимпиадаи 6-уми байналмилалии HIPPO аз забони англисӣ доир гардид. Дар даври аввали олимпиада аз 30 давлати дунё 23 ҳазор довталаб ширкат варзида, ба даври ниҳоӣ 114 нафар роҳхат гирифтанд
Тавре аз Вазорати маориф ва илми Ҷумҳурии Тоҷикистон хабар доданд, Тоҷикистонро дар даври ниҳоии олимпиада Дилноза Нуралиева — хонандаи синфи 5-и Литсей-интернати Президентӣ барои кӯдакони болаёқати Ҷумҳурии Тоҷикистон, Фариза Сатторова- хонандаи синфи 6-и мактаби хусусии «Гулчини маърифат»-и шаҳри Хуҷанд, Александр Читян — хонандаи синфи 8-и Мактаби байналмилалии Президентии шаҳри Душанбе, Исматулло Раҳимов — хонандаи синфи 10-и Литсей барои хонандагони болаёқат дар шаҳри Душанбе намояндагӣ намуда, барои ғолибият дар ду даври олимпиада бо медал ва ифтихорномаҳои фахрӣ сарфароз гардонида шуданд.
Хонандаи Мактаби байналмилалии Президентии шаҳри Душанбе Александр Читян дар даври ниҳоӣ сазовори ҷойи дуюм ва медали нуқра гардида, Парчами Тоҷикистонро дар арсаи байналмилалӣ баланд бардошт.
Бояд зикр намуд, ки ғолибони олимпиадаро 15 майи соли равон дар Фурудгоҳи байналмилалии Душанбе намояндагони Вазорати маориф ва илми Ҷумҳурии Тоҷикистон ва масъулини Мақомоти иҷроияи ҳокимияти давлатии шаҳри Душанбе ботантана пешвоз гирифтанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
