Имрӯз дар лагери тобистонаи соҳили обанбори Қайроққум олимпиадаи байналмилалӣ оғоз мегардад

Май 29, 2018 11:35

ДУШАНБЕ, 29.05.2018. /АМИТ «Ховар»/.   Бори аввал  дар Тоҷикистон Олимпиадаи байналмилалии таълимӣ оид ба арифметикаи зеҳнӣ (менталӣ) «GENIUSKID-ASIA 2018» баргузор мешавад.

Ташкилкунандаи олимпиада Академияи арифметикаи зеҳнии «Империяи дониш» /«Империя знаний»/ — шарики маркази «Абакус»-и Россия, узви Ассотсиатсияи байналхалқии «Pama Global Abacus and Mental Association» мебошад.

Олимпиада аз 29 май то 4 июни соли равон дар лагери тобистонаи Бонки миллии Тоҷикистон «Шоҳин» дар соҳили обанбори Қайроққум баргузор мегардад.

Ҷумҳурии Тоҷикистон бо шарофати олимпиадаҳо ва санҷишҳои Академияи «Империяи дониш» соли 2017 мизбони ин олимпиада гардид. Академияи мазкур дар олимпиадаҳои арифметикаи зеҳнӣ дар Қирғизистон, Москва ва Африқои Ҷанубӣ ширкат варзид. Ҳамчунин «Империяи дониш» ҳамчун маркази пешбари корпоратсияи «Abakus» эътироф шудааст.

Ҳамин тариқ, Тоҷикистон 250 кӯдаки аз 6 то 16-соларо аз 10 кишвари ҷаҳон қабул мекунад. Ҳамзамон дар баробари он, комиссияи махсус оид ба эҷоди техникии «RoboLiga Asia 2018» месобиқа мегузаронад.

Дар доираи Олимпиада барои меҳмонон ва сокинони Тоҷикистон экскурсия ба ҷойҳои таърихии шаҳри Хуҷанд ба нақша гирифта шудааст. Барои омӯзгорону роҳбарон ҳамоишҳо ташкил карда шуда, барои волидон равоншиноси кӯдакон даъват карда мешавад.

Ҳамчунин дигар намудҳои чорабиниҳои фарҳангӣ-фароғатӣ низ ба нақша гирифта шудаанд.

Олимпиадаи байналмилалии арифметикаи зеҳнӣ бо дастгирии Ҳукумати Ҷумҳурии Тоҷикистон дар шарикӣ бо ширкати мобилии Tcell, ширкати ҳавоии «Сомон Эйр», Корхонаи алюминии «Талко», ширкати суғуртавии «Bima Insurance», «Kazkom-Тоҷикистон», «Knauf» ва «Газойл» гузаронида мешавад.

Май 29, 2018 11:35

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб