Конфронси байналмилалии сатҳи баланд бо қабули Эъломияи Душанбе кори худро ҷамъбаст намуд
ДУШАНБЕ, 04.05.2018 /АМИТ «Ховар»/. Шоми имрӯз Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез» баъд аз баррасӣ ва муҳокимаи мавзӯъҳои муҳим бо қабули Эъломияи Душанбе ба кори худ хотима бахшид.
Зимни муҳокима ва қабули Эъломияи Душанбе муовини Дабири кулли СММ, роҳбари Дафтари зиддитеррористии СММ Владимир Воронков, Вазири корҳои хориҷии Тоҷикистон Сироҷидин Аслов мулоҳизаҳои худро баён карданд. Таъкид гардид, ки ташаббуси навбатии ҷониби Тоҷикистон ҷиҳати баргузории Конфронси имрӯза шаҳодат аз он медиҳад, ки Тоҷикистон дар мубориза бар зидди терроризм, пешгирии хатарҳо ва таъмини амният дар ҳамаи сатҳҳо ҳамеша омода мебошад.
Баъди қабули Эъломияи Душанбе оид ба натиҷаҳои кори Конфронси байналмилалии сатҳи баланд барои доираи васеи намояндагони воситаҳои ахбори оммаи ватанӣ ва хориҷӣ изҳороти матбуотӣ дода шуд.
Хотиррасон мешавем, ки дар кори конфронс ҳайати роҳбарикунанда ва намояндагони воломақоми Созмони Милали Муттаҳид, Созмони Амният ва Ҳамкорӣ дар Аврупо, Созмони ҳамкории Шанхай, Иттиҳоди Давлатҳои Мустақил, Созмони Аҳдномаи Амнияти Дастаҷамъӣ, Хадамоти аврупоии амалиёти хориҷӣ, ҳамчунин роҳбарони ҳайатҳо аз ҷумҳуриҳои Ӯзбекистон, Қирғизистон, Қазоқистон, Венгрия, Шоҳигарии Баҳрайн, Давлати Ливия, Афғонистон, Туркманистон, Федератсияи Россия, Ҷумҳурии Арманистон, Салтанати Умон, Давлати Кувайт, Ҷумҳурии Исломии Эрон, Иёлоти Муттаҳидаи Америка, Давлати Қатар ва Ҷумҳурии Мардумии Чин иштирок карданд.
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо нутқи пурмуҳтаво дар Конфронси байналмилалии «Муқовимат бо терроризм ва ифротгароии хушунатомез» суханронӣ карда, таъкид доштанд, ки таҳия, татбиқи пешниҳодҳо ва тавсияҳои муштарак дар конфронси имрӯза баҳри аз байн бурдани ин зуҳуроти номатлуб мувофиқи мақсад аст.
Акрам САНГЗОДА,
Тоҳир САИД,
хабарнигорони АМИТ «Ховар»
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
