О-ФА-РИН! Кӯдакони тоҷик бо иҷрои суруди «Смуглянка» қалби корбарони интернетро тасхир намуданд
ДУШАНБЕ, 08.05.2018. /АМИТ «Ховар»/. Тарбиятгирандагони боғчаи кӯдаконаи №6 «Гулшан»-и ноҳияи Ҷаббор Расулови вилояти Суғд дар рӯзҳои истироҳатии гузашта бо иҷрои суруди «Смуглянка» корбарони интернетро ба ваҷд оварданд. Навори видеоӣ (ролик) 2 май аз ҷониби телевизиони маҳаллии «Ғулакандоз» дар «You Tube» гузошта шуд.
ҶДММ «ТВ Ғулакандоз» соли 1994 дар асоси иҷозатномаи Кумитаи телевизион ва радиои назди Ҳукумати Ҷумҳурии Тоҷикистон таъсис дода шудааст. Минтақаи пахши ТВ «Ғулакандоз» ноҳияҳои Ҷ. Расулов, Спитамен, Б. Ғафуров ва қисми ҷанубу шарқии шаҳри Хуҷанди вилояти Суғд, ки дар онҳо беш аз 300 ҳазор нафар зиндагӣ мекунанд, дарбар мегирад. Барномаҳои ин телевизион бо забонҳои тоҷикӣ, русӣ ва ӯзбекӣ пахш мегарданд.
Видеое, ки гап сари он меравад, аз ҷониби телевизиони «Ғулакандоз» дар доираи лоиҳаи таҳияи филмҳои ҳуҷҷатӣ роҷеъ ба ҳодисаҳои солҳои 1941-1945 наворбардорӣ шудааст.
Ин навор аллакай дар чандин шабакаҳои иҷтимоӣ ҷой дода шуда, танҳо дар «Одконлассники» онро қариб 4,5 миллион нафар тамошо кардаанд.
Одамон аз шаҳрҳои гуногун таассуроти хешро иброз медоранд:
Александр Смирнов, Украина: «Хеле олиҷаноб аст! Ба бадан мурғак медавад …».
Лена Иванова, Россия: «Чи ҷазобатест! Ба шумо хушбахтиву саломатӣ мехоҳем!».
Ҳаётой Муминова, сароянда, ш. Душанбе: «Олӣ! Офарин!».
Александр Евсюков, ш. Кримск, кишвари Краснодари ФР: «Навори олӣ ва кӯдакон-дилрабо!..».
Анастасия Андрюшина, ш. Бишкек: «Ман ин ҷо нишастаам ва қалбам ба туғён омадааст. Зеро ин суруд барои ман хеле азиз аст».
Светлана Балашова, директор оид ба фурӯши ҶСК ШС «РОСНО», ш. Москва: «Олӣ! Дар боғчаи кӯдакона ҳангоми омодагӣ ба чорабинӣ кӯдакон пурсидаанд, ки шуҷоат ва шараф чӣ маънӣ доранд. Албатта, чунин корҳоро кардан лозим аст, то ки наврасони мо гузаштаро донанд ва фаромӯш накунанд …».
Алиҷон Юлдошев, аксбардор, ш. Душанбе: «Ташаккур ба роҳбару муррабиёни боғча ва пеш аз ҳама ба волидоне, ки дар ниҳоди фарзандони хеш чунин эҳсосро тарбият кардаанд …».
Зарина Мусаева: «Хотира ҷовидонӣ хоҳад буд, агар он аз насл ба насл расонида шавад».
Владимир Захватов: «Бародарони тоҷик! Сипос барои ин навори олӣ бахшида ба 9 май! Ид ба ҳамаатон муборак!!!».
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
