ОВЕРДРАФТ. Чунин ном дорад хизматрасонии нав, ки «Бонки Эсхата» ба мизоҷонаш пешниҳод менамояд

ДУШАНБЕ, 23.05.2018 /АМИТ «Ховар»/. ҶСК «Бонки Эсхата» ба мизоҷони худ хизматрасонии овердрафти кортҳои пардохти «Эсхата Экспресс»-ро пешниҳод менамояд. 

 Тавре ба АМИТ «Ховар» аз бонки мазкур иттилоъ доданд, овердрафт (англ.:  «overdraft») – яке аз шаклҳои  қарзи кутоҳмуддатест, ки ба мизоҷон аз рӯи бақияи маблағи дар ҳисоби бонкиашон мавҷудбуда дода мешавад.   Ҷараёни хизматрасонии овердрафти кортҳои пардохтии «Эстаха Экспресс» кӯтоҳмуддат буда, ба муҳлати 60 рӯз пешбинӣ мегардад. Пайвастшавӣ ба овердрафти «Эсхата Экспресс» осон аст – ин кор муҳлати зиёд ва таъминоти гарав талаб намекунад.

Инчунин, меъёри овердрафт 500 сомонӣ муқаррар гардида, нафароне, ки аз бонк қарз гирифтаанд, имконияти дастрас намудани корт бо меъёри овердрафташ то 3000 сомониро пайдо хоҳанд кард.

Аз хизматрасонии «Эсхата Экспресс» мизоҷони қарзӣ, ки дар бонк қарзи ҷорӣ доранд, амонатгузорон, гирандагони интиқоли пул истифода бурд метавонанд.