Паул Донелли, коршиноси байналмилалӣ: «Дар Тоҷикистон ҳамаи қишрҳои ҷомеа, аз ҷумла, пирону маъюбон зери ғамхории роҳбарияти давлат қарор доранд»
ДУШАНБЕ, 30.05.2018 /АМИТ «Ховар»/. Масъалаи рушди муассисаҳои хизматрасонии иҷтимоӣ дар шаклҳои гуногун ва ба хизматрасонии иҷтимоӣ ҳарчи бештар фаро гирифтани кӯдакони имконияташон маҳдуд, пиронсолону маъюбон ва дигар шахсони дар ҳолати душвори зиндагӣ қарордошта зери таваҷҷуҳи махсуси роҳбарияти давлат ва Ҳукумати Ҷумҳурии Тоҷикистон қарор дорад. Ин нукта зимни ҷамъомаде, ки вобаста ба таҷдиди фаъолияти хона-интернатҳо таҳти унвони «Вазифаҳо ва дурнамои таҷдиди фаъолияти хона-интернатҳо» дар меҳмонхонаи «Ҳайат Реҷенсӣ»-и шаҳри Душанбе доир гардид, зикр шуд.
Тавре мухбири АМИТ «Ховар» иттилоъ медиҳад, дар ҷамъомади мазкур, ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон роҳандозӣ шуд, намояндагони Вазорати мазкур, шарикони рушд, коршиносони байналмилалӣ, директорони муассисаҳои давлатии «Хона-интернати пиронсолону маъюбони шаҳри Турсунзода», «Хона-интернати пиронсолону маъюбони шаҳри Ёвон» ва «Хона-интернати бемориҳои рӯҳӣ дар ноҳияи Ҷаббор Расулов» ва дигарон иштирок ва сухан карданд.
Зикр гардид, ки ислоҳот ва рушди муассисаҳои хизматрасонии иҷтимоӣ аз Барномаи миёнамуҳлати рушди Ҷумҳурии Тоҷикистон барои солҳои 2016-2020, Консепсияи рушди низоми хизматрасонии иҷтимоӣ ва Нақшаи чорабиниҳо оид ба татбиқи он ва дигар санадҳои амалкунандаи мамлакат бармеояд.
Коршиноси байналмилалии Лоиҳаи «Кумаки техникии Барномаи Иттиҳоди Аврупо оид ба рушди неруи инсонӣ (марҳилаи 2)» Паул Донелли зимни ҷамъомад иброз дошт, ки дар Тоҷикистон ба ҳамаи қишрҳои ҷомеа, аз ҷумла, ба пирону маъюбон таваҷҷуҳи махсус зоҳир гардида, онҳо зери ғамхории роҳбарияти ин давлат қарор доранд. «Далели ин гуфтаҳо он аст, ки моҳи марти соли равон Президенти Тоҷикистон Эмомалӣ Раҳмон дар шаҳри Ню-Йорки ИМА зери Конвенсияи Созмони Милали Муттаҳид оид ба ҳуқуқи шахсони маъюб имзо гузоштанд»,- гуфт ӯ.
Бояд гуфт, ки мақсади ҷамъомади мазкур аз муаррифии фаъолият дар самти таҷдиди фаъолияти хона-интернатҳои шаҳру ноҳияҳои таҷрибавӣ иборат буд.
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
Имрӯз дар шаҳри Душанбе ҳаво то 34 дараҷа гарм мешавад
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
