РАМАЗОН АМАЛҲОИ ХАЙРРО МЕАФЗОЯД! Япония ба варзишгарони маъюби Тоҷикистон кумак кард
ДУШАНБЕ, 23.05.2018 /АМИТ «Ховар»/. Басо рамзист, ки дар моҳи мубораки Рамазон шумораи амалҳои хайру савоб меафзояд. Чунин як амали хайр дар Федератсияи варзишгарони маъюби Ҷумҳурии Тоҷикистон ба анҷом расид. Дирӯз бо иштироки раиси ин Федератсия Абдурауп Алимов ва сафири Фавқулода ва Мухтори Япония дар Ҷумҳурии Тоҷикистон Ҳаҷимэ Китаока маросими ба анҷом расидани лоиҳаи «Таъмин намудани лавозимоти варзишӣ-тамринӣ барои варзишгарони маъюб» доир гардид.
Дар ин бора аз Федератсияи варзишгарони маъюби ҷумҳурӣ ба АМИТ “Ховар” хабар доданд. Ба иттилои манбаъ лоиҳаи мазкур баҳри фароҳам овардани шароит барои одамони маъюб тарҳрезӣ шуда, татбиқи он имкон медиҳад, ки нафарони имконияташон маҳдуд бо аробачаҳои маъюби варзишӣ таъмин гардида, дар марафон, баскетбол, тенниси рӯи миз ва ҷудои паролимпӣ ва ғайраҳо иштирок намоянд.
Дар маросими мазкур таъкид шуд, ки тибқи ин лоиҳа толорҳои варзишии Федератсия воқеъ дар шаҳрҳои Душанбе, Хуҷанд, Бохтар ва ноҳияи Шаҳринав бо 8 аробача барои баскетбол, 8 аробачаи фаъол барои тенниси рӯи миз, 3 аробача барои марафон, 4 адад роҳдавак, велотренажер, курсии маҳскунӣ ва 300 м2 тати гӯштингирӣ таъмин гардиданд. Таҷҳизоти мазкур барои тайёр кардани варзишгарон барои мусобиқаҳои байналмилаллӣ ва боз ҳам беҳтар намудани фаъолияти Федератсия дар саросари кишвар мусоидат менамояд.
Маблағи умумии лоиҳаи мазкур 82,929 доллари ИМА буда, дар доираи кумакҳои бебозгашти фарҳангии Ҳукумати Япония ва барномаи “SPORT FOR TOMORROW” (Варзиш барои фардо) ҷудо шудааст.
Хотиррасон менамоем, ки Федератсияи варзишгарони маъюби Ҷумҳурии Тоҷикистон соли 1989 таъсис ёфта, мақсади асосии он рушди варзиш байни варзишгарони маъюб дар Тоҷикистон ва таъмини дастрасии оммавӣ ва маъруфияти варзиш байни одамони маъюб мебошад.
Барномаи «Варзиш барои фардо» (SPORT FOR TOMORROW) ба густариш ва ҳавасманд гардондани варзиш, аз ҷумла, ҳаракати олимпӣ ва паролимпӣ барои одамони синну соли гуногун ва ҷавонони ояндасоз равона шудааст. Барнома дар давраи солҳои 2014 – 2020 амалӣ гашта, беш аз 10 миллион нафарро дар зиёда аз 100 кишвари дунё фаро мегирад.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
