Раъно Бобоҷониён, муовини Раиси ҲХДТ: «Омӯзиши таҷрибаи Ҳизби Коммунистии Чин барои мо муҳим аст»
ДУШАНБЕ, 29.05.2018 /АМИТ “Ховар”. Дар доираи Форуми ҳизбҳои сиёсии кишварҳои СҲШ дар шаҳри Шинҷони Ҷумҳурии Мардумии Чин ҳайати Ҳизби Халқии Демократии Тоҷикистонро таҳти роҳбарии муовини Раиси ҲХДТ Раъно Бобоҷониён муовини Вазири шуъбаи байналмилалии Кумитаи Марказии Ҳизби Коммунистии Чин Гуэ Джо ба ҳузур пазируфт.
Гуэ Джо ба ҳайси мизбон ҳайати меҳмононро хайрамақдам гуфта, зикр намуд, ки чунин ҳамоишҳо аҳзоби сиёсиро ба ҳам наздик меоранд: «Хеле шодем, ки даъвати моро роҳбарияти ҲХДТ пазируфт ва намояндагонашро ҷиҳати ширкат дар ин ҳамоиш фиристод. Агар лозим донед, таҷрибаи моро бо мақсади ободию пешрафти ватанатон истифода баред»,- гуфт ӯ.
Раъно Бобоҷониён дар навбати худ чунин изҳор дошт: «Барои мо омӯзиши таҷрибаи ҳизбҳои тавоно дар мисоли Ҳизби коммунисти Чин бисёр муҳим аст. Чанд лаҳза пеш мо Намоишгоҳи дастовардҳои технологияи инноватсионии музофоти Гуандунро тамошо кардем. Ба ин ҳақиқат бовар кардем, ки дар зарфи 40 сол Шинҷон аз як шаҳри кучак, ки 30 ҳазор аҳолӣ дошт ба шаҳри бузурги ҷамъияти 12 миллион нафара табдил ёфт. Имрӯз технологияи инноватсиониаш на танҳо дар дохили мамлакат, балки дар саросари ҷаҳон машҳур аст».
Муовини Раиси ҲХДТ аз ҳамкориҳои ин ду кишвар ёдовар шуд, ки дар садри он сарварони ин давлатҳо Президенти Тоҷикистон муҳтарам Эмомалӣ Раҳмон ва ҳамтои чинаш Си Ҷинпин меистанд. Гуо Джо гуфт, ки Чин ва Тоҷикистон дар руҳияи неки ҳамсоягӣ қарор доранд: «Мо намегӯем роҳи моро интихоб кунед, балки нишон медиҳем, ки мо бо ин роҳ ба чунин дастовардҳо расидем».
Мавсуф дар охир афзуд, ки ташрифи навбатии Президенти Тоҷикистон муҳтарам Эмомалӣ Раҳмонро ба Форуми сарони кишварҳои Созмони Ҳамкории Шанхай, ки рӯзҳои 9-10 июн дар шаҳри Тсиндаои музофоти Шандун баргузор мегардад, интизоранд.
Алӣ ҶӮРА,
аз шаҳри Шинҷони Ҷумҳурии Мардумии Чин
махсус барои АМИТ «Ховар»
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
Имрӯз дар шаҳри Душанбе ҳаво то 34 дараҷа гарм мешавад
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
