В. Воронков: «Конфронси байналмилалии сатҳи баланд дар Душанбе таваҷҷуҳи тамоми коршиносони минтақа ва ҷаҳонро ба худ ҷалб кард»
ДУШАНБЕ, 04.05.2018 /АМИТ «Ховар»/. Дар интиҳои Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез» бо иштироки Вазири корҳои хориҷии Тоҷикистон Сироҷиддин Аслов, Муовини Дабири кулли СММ, Роҳбари Дафтари зиддитеррористии СММ Владимир Воронков, Дабири кулли САҲА Томас Гримингер, ҳамоҳангсози Иттиҳоди Аврупо дар масоили муқовимат бо терроризм Жиле Декершов, роҳбарон ва намояндагони корпуси дипломатии дар Тоҷикистон мустаққар ва ҳайати иштирокчиёни Конфронси мазкур нишасти матбуотӣ баргузор гардид.
Владимир Воронков изҳор кард, ки Конфронси байналмилалии сатҳи баланд таҳти унвони «Муқовимат бо терроризм ва ифротгароии хушунатомез» таваҷҷуҳи тамоми коршиносони минтақа ва ҷаҳонро ба худ ҷалб кард. Шаҳодати ин гуфтаҳо шумораи зиёди иштирокчиёни Конфронс ва ҳайати воломақом аз 48 кишвари ҷаҳон ва 31 ташкилоту созмонҳои байналхалқиву минтақавӣ, ҳамчунин муҳтаво ва мундариҷаи мавзӯъҳои баррасишуда, мубоҳисаҳо ва муколамаву табодули афкори иштирокчиён мебошад.
Иштирокдорони Конфронси Душанбе зикр карданд, ки агарчӣ бо нобуд кардани гурӯҳи террористии ба ном «Давлати исломӣ» таъсири терроризм дар ҷаҳон ва минтақа нисбатан камтар шуда бошад ҳам, он то ба охир мағлуб нашудааст. Бинобар ҳамин зарур аст, ки ҷиҳати пурра несту нобуд кардани терроризм, на танҳо силоҳ ва неру истифода шавад, ҳамчунин дигар чораҳои таъсиррасон роҳандозӣ шаванд.
Дабири кулли САҲА Томас Гримингер гуфт, ки Иттиҳоди Аврупо омода аст дар масъалаи муқовимат бар зидди терроризм ва пешгирӣ аз он ҳамеша дастгирии худро расонад.
Акрам САНГЗОДА,
Тоҳир САИД,
хабарнигорони АМИТ «Ховар»
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
