Академик Раҳим Масов дар синни 79 аз олам даргузашт
ДУШАНБЕ, 21.06.2018 /АМИТ «Ховар»/. Нимаи дуюми имрӯз академики Академияи илмҳои Ҷумҳурии Тоҷикистон, доктори илмҳои таърих, профессор Раҳим Масов дар синни 79 аз олам даргузашт.
Тавре аз Академияи илмҳои Тоҷикистон ба мухбири АМИТ «Ховар» иттилоъ доданд, Раҳим Масов субҳи имрӯз бар асари бемории сактаи мағз дар яке аз беморхонаҳои шаҳри Душанбе бистарӣ гардида, пас аз чанд соат аз дунё даргузашт.
Ба иттилои ҳамкасбонаш, вазъи саломатии Раҳим Масов хуб буд ва ӯ то рӯзи душанбе, 18 июн ба кор мебаромад. «Ду рӯзи охир вазъи саломатии Академик вазнин шуда, ӯ ба кор набаромад»,- гуфтанд ҳамкасбони ӯ.
Раҳим Масов 16 ноябри соли 1939 дар деҳаи Мдехарв Рованди ноҳияи Ванҷи Вилояти Мухтори Кӯҳистони Бадахшон ба дунё омадааст.
Соли 1961 Донишгоҳи давлатии Тоҷикистонро бо ихтисоси таърихшинос хатм карда, дар Академияи илмҳои Ҷумҳурии Тоҷикстон ба кор оғоз намуд.
Солҳои 1988 то 2015 Раҳим Масов роҳбарии Институти таърих, бостоншиносӣ ва мардумшиносии ба номи Аҳмади Дониши Академияи илмҳои Тоҷикистонро ба уҳда дошт.
Академик Раҳим Масов муаллифи зиёда аз 500 асари илмӣ–оммавӣ ва 14 монография мебошад.
Дар баробари шарафёб шудан ба мукофотҳои ватанию байналмилалӣ 16 ноябри соли 2009 академик Раҳим Масов бо Фармони Президенти Ҷумҳурии Тоҷикистон бо ордени «Ситораи Президенти Тоҷикистон дараҷаи 1» сарфароз гардонда шуд.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
