Барномаи кори Конференсияи байналмилалии сатҳи баланд паҳлуҳои гуногуни мушкилоти вобаста ба обро баррасӣ мекунад
ДУШАНБЕ, 20.06.2018 /АМИТ «Ховар»/. Маросими тантанавии ифтитоҳи Конференсияи байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» дар Бӯстонсарои шаҳрии Ҳукумати Ҷумҳурии Тоҷикистон «Кохи Сомон» идома дорад.
Дар назди иштирокдорони ин ҳамоиши бузурги байналмилалӣ Президенти Туркманистон Гурбонгулӣ Бердимуҳаммедов, Президенти Ҷумҳурии Исломии Покистон Мамнун Ҳусейн, Раиси иҷроияи Ҳукумати Ҷумҳурии Исломии Афғонистон Абдулло Абдулло, раиси сессияи 72-юми Ассамблеяи генералии СММ Мирослав Лайчик, намояндаи доимии Ҷумҳурии Чехия дар СММ ва ҳамзамон Раиси Шўрои иқтисодӣ ва иҷтимоии (ECOSOC) Созмони Милали Муттаҳид Мари Хатардова, дигар намояндагони воломақом аз созмонҳои минтақавӣ ва ҷаҳонӣ маъруза карданд.
Ҳамаи маърузакунандагон аз баргузор шудани Конференсияи сатҳи баланд дар шаҳри Душанбе истиқбол намуда, таъкид намуданд, ки об сарчашмаи ҳаёт аст ва тамоми мушкилоти вобаста ба обро танҳо дар сарҷамъӣ ва мусоидат бо ҳамдигар метавон бартараф кард.
Хотиррасон мешавем, ки қабл аз Конференсияи байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» ҷаласаҳо дар мавзуъҳои «Аз сухан ба амал», «Об ва илм», «Об ва иқлим», «Об ва муҳочират» баргузор карда шуданд.
Конференсияи байналмилалии Душанбе ду рӯз идома меёбад. Дар назар дошта шудааст, ки иштирокдорони Конференсия дар ҷаласаҳо ва сессияҳои алоҳида паҳлуҳои гуногуни мушкилоти вобаста ба об, аз ҷумла, «Тақвияти амалҳо ҷиҳати рушди устувори захираҳои обӣ», «Татбиқи ислоҳоти бахши об дар Ҷумҳурии Тоҷикистон», «Муколамаи ҷамъият оид ба ҳисоботи ниҳоӣ», «Мушкилоти об дар мисоли гурезагон ва муҳоҷирон»-ро мавриди таҳлилу баррасӣ қарор медиҳанд.
Ҳамчунин дар доираи баргузории Конференсияи байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» барои меҳмонони хориҷӣ аз 117 кишвари ҷаҳон сайёҳат ба НБО «Норак», шаҳри Ҳисор ва сохтмони неругоҳи аз ҷиҳати экологӣ бехатар ва манфиатовар- НБО «Роғун» ташкил карда мешавад.
ЭМОМАЛӢ РАҲМОН — ВОРИСИ АРЗАНДАИ МИЛЛАТИ ТОҶИК. Маротибаи аввал дар таърихи давлатдории Чин мукофоти олии давлатӣ берун аз кишвар тақдим карда шуд
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
