Чемпионати ҷаҳон оид ба футбол-2018: имрӯз бозиҳои 1/8 финалӣ оғоз меёбанд

ДУШАНБЕ, 30.06.2018./АМИТ «Ховар»/. Дар натиҷаи бозиҳои марҳилаи гурӯҳӣ ҳамаи ҷуфтҳои дастаҳое, ки ба даври 1/8 -финал дар  Чемпионати ҷаҳон оид ба  футбол-2018   роҳхат гирифтанд, муайян шуданд.

Франсия — Аргентина (30 июн, 17:00, «Казан Арена»);

Уругвай — Португалия (30 июн, 21:00, «Фишт»);

Испания — Россия (1 июл, 17:00, «Лужники»);

Хорватия — Дания (1 июл, 21:00, «Нижний Новгород»);

Бразилия — Мексика (2 июл, 17:00, «Самара Арена»);

Белгия — Япония (2 июл, 21:00, «Ростов Арена»);

Шветсия — Швейтсария (3 июл, 17:00, «Санкт-Петербург»);

Колумбия — Англия (3 июля, 21:00, «Открытие Арена»).

Бозии 1/8- финал 90 дақиқа  давом ёфта, агар дар ин  муддат ғолиб муайян карда нашавад, вақти иловагӣ таъйин мегардад — ду қисми 15 дақиқаина. Дар мусобиқаи ҷаҳонии футбол-2018 бори аввал дар таърихи бозиҳо иҷозат аст, ки бозингари чорумро ҳангоми вақти иловагӣ иваз кунанд. Қоидаи «голи тиллоӣ» ва «голи нуқрагӣ» кайҳост, ки бекор карда шудааст.

Агар дар натиҷаи 30 дақиқаи иловагӣ бозӣ мусовӣ анҷом ёбад, он гоҳ силсилаи зарбаҳои 11-метра  таъйин  карда мешавад.

Аз кадом даста оғоз шудани задани зарбаи 11-метра тариқи қуръакашӣ сурат гирифта, зарбазанро худи дастаҳо интихоб мекунанд.

Ғолибони 1/8 финал ба ¼ финал роҳ меёбанд.