Дар Душанбе доир ба ҳунарҳои мардумӣ дастури библиографӣ ба нашр расид
ДУШАНБЕ, 26.06.2018. /АМИТ «Ховар»/. «Ҳунарҳои мардумӣ – шаҳодатномаи миллат»- чунин ном дорад дастури нави библиографие, ки бахшида ба Соли рушди сайёҳӣ ва ҳунарҳои мардумӣ дар матбааи «Паёми ошно» ба тозагӣ ба нашр расидааст.
Тавре аз маркази матбуоти Китобхонаи миллии Тоҷикистон ба АМИТ «Ховар» хабар доданд, китоб дар таҳияи муҳаққиқ ва омӯзгори ҷавону умедбахши соҳаи китобдорӣ Ситора Абдумуминзода ба нашр расидааст.
Ситора Абдумуминзода асари мазкурро, ки муаррифи ҳунарҳои мардумӣ мебошад, дар асоси захираҳои мақолаҳои матбуоти даврӣ ва асарҳои илмӣ ҷамъоварӣ ва таҳия намудааст.
Бояд зикр кард, ки ин дастури библиографӣ аз ду қисми асосӣ ва дастгоҳи маълумотдиҳии нашр иборат аст. Дар қисми якуми дастур доир ба ҳар як ҳунари мардумӣ, аз қабили адрас ва атласбофӣ, рағзабофӣ, қолинбофӣ, намадмолӣ, зардӯзӣ, гулдӯзӣ, чакан, қуроқдӯзӣ, тоқидӯзӣ, муҳрабофӣ, шерозбофӣ, ҷӯроббофӣ, пойафзолдӯзӣ, читгарӣ, заргарӣ, мисгарӣ, кулолӣ, кандакорӣ ва ғайра, ки дар минтақаҳои гуногуни Тоҷикистон рушд намудаанд, маълумоти мушаххас оварда мешавад. Ҳамчунин дар ин бахш вобаста ба мавзӯъҳои матраҳшаванда барои аёнияти андешаҳо расмҳои ранга оварда шудаанд.
Қисми дуюми дастур фарогири маводи иттилоотӣ-библиографӣ буда, дар ин ҷо тасвири библиографии мақолаҳо дар матбуоти даврӣ, нашрияҳои илмӣ ва сомонаҳои интернетӣ оид ба ҳунарҳои мардумӣ нашршуда оварда шудаанд. Унвони ҳамаи мақолаҳо бо забони асл омада, нашри мақолаҳо дар дохили он бо тартиби алифбо, аввал ба забони тоҷикӣ ва сипас ба забони русӣ мураттаб гардидаанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
