Дар Душанбе зимни конфронс масъалаи таъмини аҳолӣ бо ғизои солим матраҳ шуд

Июнь 28, 2018 15:34

ДУШАНБЕ, 28.06.2018/АМИТ «Ховар»/. Беҳсозии вазъи ғизову саломатии аҳли ҷомеа ва пешгирии воридоти маводи пастсифату зиёновар дар мадди назари Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, ҷиҳати паст кардани сатҳи камбизоатӣ, таъмини амнияти озуқаворӣ, беҳтар намудани сифати ғизо, мусоидат ба рушди устувори кишоварзӣ ва таҳияи модели устувори истеъмолот ва истеҳсолот ба мақомоти дахлдори кишвар дастуру супоришҳои мушаххас дода шудааст.

Ин нуктаро муовини Раиси Маҷлиси намояндагон Хайриниссо Юсуфӣ дар  конфронси байналмилалии «Пешравиҳои Тоҷикистон дар таъмини устувори аҳолӣ бо ғизои солим», ки имрӯз дар Душанбе бо иштироки роҳбарону намояндагони вазорату идораҳои марбутаи мамлакат доир гардид, баён намуд.

Таъкид шуд, ки  мақомоти давлатӣ муаззаф гардидаанд, ки тибқи қонунгузорӣ муқаррар намудани зарурати йодноккунии намаки истеҳсолшаванда ва воридотӣ, ворид намудани элементҳои иловагии дар таркибашон оҳан ва витамини А ба бастаи хизматрасониҳои асосӣ дар сатҳи кумаки аввалияи тиббию санитарӣ, ҷорӣ намудани «Консепсияи ғизо барои мактаббачагон», «Стратегияи амалиёт оид ба беҳтар кардани сифати ғизо», татбиқи Стратегияи ғизо ва фаъолнокии ҷисмонӣ, пешгирии норасоии ғизо, мониторинги сифат ва бехатарии маҳсулоти хӯроквориро роҳандозӣ намоянд.

Зикр шуд, ки барои таъмини амният ва бехатарии озуқаворӣ дар кишвар  моҳи декабри соли 2017 Кумитаи бехатарии  озуқавории назди Ҳукумати Ҷумҳурии Тоҷикистон таъсис дода шуд. Масъалаи таъмини амнияти озуқаворӣ ва паст кардани сатҳи камбизоатӣ дар доираи Стратегияи милли рушд то солҳои 2030 ва Барномаи миёнамуҳлати рушди Ҷумҳурии Тоҷикистон барои солҳои 2016-2020 ҳадафҳои асосии Ҳукумати мамлакат буда, ин ҳадафҳо дар доираи Ҳадафҳои Рушди Устувори СММ то солҳои 2030 ҳамчун ҳадафҳои асосии ҷаҳонӣ низ боқӣ мондаанд.

Дар масъалаи таъмини бехатарии  озуқаворӣ Ҳукумати Ҷумҳурии Тоҷикистон заминаи барномавӣ ташаккул додааст, ки он тавассути иҷрои стратегия ва барномаҳо амалӣ мегардад.  Стратегияи миллии солимии аҳолии Ҷумҳурии Тоҷикистон барои солҳои 2010-2020, Стратегияи ғизо ва фаъолнокии ҷисмонӣ дар Ҷумҳурии Тоҷикистон барои солҳои 2015-2024, Барномаи миллии ташаккули тарзи ҳаёти солим дар Ҷумҳурии Тоҷикистон барои давраи солҳои 2011-2020, Барномаи беҳтар намудани таъминоти аҳолии Ҷумҳурии Тоҷикистон бо оби тозаи нӯшокӣ барои солҳои 2008-2020, Стратегия оид ба дурнамои минбаъдаи пешгирӣ ва назорати бемориҳои ғайрисироятӣ ва осеббардорӣ дар Ҷумҳурии Тоҷикистон барои солҳои 2013-2023  аз ҳамин қабиланд.

Июнь 28, 2018 15:34

Хабарҳои дигари ин бахш

Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд

Маводҳои таҳлилӣ