Дар конфронси байналмилалии Душанбе муносибат ва ҳамкории милитсия бо ҷомеа баррасӣ гардид
ДУШАНБЕ, 29.06.2018. /АМИТ «Ховар»/. Бо ташаббуси Вазорати корҳои дохилии Ҷумҳурии Тоҷикистон, дар ҳамкорӣ бо ташкилоти «Дунёи бехатар» (Saferworld) ва Донишкадаи ҷаҳонии ИМА (USIP) 25-26 июни соли равон дар шаҳри Душанбе таҳти унвони «Муносибатҳо ва ҳамкории милитсия бо ҷомеа, бартараф намудани омилҳои асосии даст задан ба амалҳои зӯроварӣ, иштирок дар гурӯҳҳо, инчунин истифодаи зӯроварӣ дар панҷ давлати ҳамсоя» конфронси байналмилалӣ баргузор гардид.
Тавре аз Вазорати корҳои дохилӣ ба АМИТ «Ховар» хабар доданд, дар конфронс муовини Вазири корҳои дохилии Ҷумҳурии Тоҷикистон Абдулло Навҷувонов, Ҳамоҳангсози миллӣ оид ба ислоҳоти милитсияи Вазорати корҳои дохилии Ҷумҳурии Тоҷикистон Фарҳодбек Шодмонзода, сардори Раёсати ҳамкории байналмилалии ВКД Зумрад Абдуллозода, намояндаи дипломатии Сафорати Амрико дар шаҳри Душанбе Кевин Коверт, директори кишварҳои «Дунёи бехатар» Фердинанд Николл, роҳбари лоиҳаи «Дунёи бехатар» дар Тоҷикистон Хирад Каргасов ва намояндагони панҷ кишвари Осиёи Марказӣ- Тоҷикистон, Қазоқистон, Қирғизистон, Туркманистон ва Ӯзбекистон иштирок намуданд.
Ҳамоҳангсози миллӣ оид ба ислоҳоти милитсия Фарҳодбек Шодмонзода оид ба ислоҳоти милитсия ва ҳамкории он бо ҷомеа дар Тоҷикстон маърӯза намуда, ба ҳозирин тариқи слайд маълумоти пурра пешниҳод кард.
Дар идомаи конфронс мутахассисони ташкилоти «Дунёи бехатар» дар ҳамкорӣ бо Донишкадаи ҷаҳонии ИМА оид ба барномаи ҳамкории милитсия бо ҷомеа ва амнияти ҷамъиятӣ дар Осиёи Марказӣ — Тоҷикистону Қирғизистон ва дигар давлатҳо, аз сатҳи худогоҳӣ ва иқтидори кормандони мақомоти ҳифзи ҳуқуқ дар масъалаи ҳамкории милитсия бо ҷомеа дар минтақаҳои интихобшуда, бартараф намудани омилҳои асосии даст задан ба амалҳои зӯроварӣ ва иштирок дар гурӯҳҳое, ки ба содир намудани амалҳои зӯроварӣ ҷалб шудаанд, маърӯза намуданд.
Дар конфронс аз ҷониби иштирокчиён таъсиси ҷойҳои баргузории ҳамоишҳо барои муҳокима намудани сабабҳои решакан кардани амалҳои зӯроварӣ ва иштирок дар гурӯҳҳои тундрав мавриди муҳокима қарор дода шуд.
Дар хатми конфронс миёни намояндагони ҳифзи ҳуқуқ, созмони ҷомеаи шаҳрвандии панҷ давлати зикргардида ва намояндагони созмони ҷомеаи шаҳрвандии Ҷумҳурии Афғонистон барои мубодилаи таҷрибаҳо оид ба масъалаҳои муносибатҳои истифодашуда дар соҳаи бехатарии ҷамъиятӣ ва омӯзиши таъсири ин усулҳо оид ба беҳтар намудани вазъи бехатарӣ дар сатҳи маҳаллӣ, миллӣ ва минтақавӣ мубодилаи афкор сурат гирифт.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
