Дар Суди Олии иқтисодӣ доир ба Рӯзи Ваҳдати миллӣ ҳамоиш баргузор гардид
ДУШАНБЕ, 26.06.2018 /АМИТ «Ховар»/. Пешвои миллат муҳтарам Эмомалӣ Раҳмон ҳамеша таъкид менамоянд, ки ҳар як фарди бонангу номуси Тоҷикистон, ки барояш Ватан ва обу хоки аҷдодӣ қадру манзалат дорад, бояд сулҳу ваҳдатро чун гавҳараки чашм ҳифз карда, барои ободиву пешрафти кишвар ҷаҳду талош намояд. Ин нукта зимни ҳамоише, ки имрӯз, 26 июн дар Суди Олии иқтисодии Ҷумҳурии Тоҷикистон таҳти унвони «Ваҳдати миллӣ-омили муҳимтарини ҳастии миллат» баргузор шуд, баён гардид.
Тавре хабарнигори АМИТ «Ховар» хабар медиҳад, дар ҳамоиш муовини якуми Раиси Суди Олии иқтисодӣ Абдуҷаббор Қодирзода иброз дошт, ки Ваҳдати миллӣ дастоварди бузурги мардуми шарифи Тоҷикистон буда, бо ташаббус ва иродаи матини Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст.
«Пешвои миллат муҳтарам Эмомалӣ Раҳмон аз рӯзи аввал бо паёми сулҳ ба сари қудрат омаданд ва дар ниҳоят ба Ватан ва миллат ваҳдат оварданд. Инак, 21 сол аст, ки мардуми шарифи тоҷик дар фазои сулҳу оромӣ ва ҳамдигарфаҳмиву ваҳдати миллӣ зиндагӣ доранд. Заҳматҳо ва ҷонбозиҳои Сарвари давлат буд, ки ҳар як фарди ҷумҳурӣ Пешвои худро дастгирӣ ва аз ӯ пайравӣ мекунанд»,-таъкид намуд Абдуҷаббор Қодирзода.
Дар ҳамоиш иброз гардид, ки имрӯз таҷрибаи сулҳофаринии тоҷикон ҳамчун намунаи нодир аз ҷониби ҷомеаи ҷаҳонӣ шинохта шуда, мавриди омӯзиш қарор дорад.
Бояд гуфт, ки дар ҳамоиши мазкур судяҳои Суди Олии иқтисодӣ, Суди иқтисодии вилояти Хатлон ва Суди иқтисодии шаҳри Душанбе маърӯза карданд.
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
